Artsakhpress

Սփյուռք

Սփյուռքից Հայաստան է ներմուծվել կանխարգելիչ և ախտահանիչ 1 տոննա բժշկական պարագա

ՀՀ առողջապահության նախարարի խնդրանքով՝ նոր տիպի կորոնավիրուսի տարածումը կանխելու նպատակով Սփյուռքի գործերի գլխավոր հանձնակատարի գրասենյակը կազմակերպել է 1 տոննա կանխարգելիչ և ախտահանիչ պարագաների ներմուծում Հայաստան։

Սփյուռքից Հայաստան է ներմուծվել կանխարգելիչ և ախտահանիչ 1 տոննա բժշկական պարագա

Սփյուռքից Հայաստան է ներմուծվել կանխարգելիչ և ախտահանիչ 1 տոննա բժշկական պարագա
ՍՏԵՓԱՆԱԿԵՐՏ, 19 մարտի, ԱՐՑԱԽՊՐԵՍ։ Այս մասին մամուլի ասուլիսի ժամանակ ասաց ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը։
 
«Վերջին 2 շաբաթվա ընթացքում մեր գրասենյակը նույնպես լծվել է Սփյուռքից դեղորայքի, բժշկական պարագաների ներկրմանը։ Առողջապահության նախարարի խնդրանքով՝ համաճարակը վերահսկելի դարձնելու նպատակով, կազմակերպել ենք մոտ 1 տոննա կանխարգելիչ, ախտահանիչ, պաշտպանիչ, ինչպես նաև բժշկական տարբեր պարագաների ներմուծում Հայաստան։ Շաբաթվա սկզբին այդ բոլոր պարագաները Հայաստանում էին։ Այս գործընթացը շարունակական է, քանի դեռ մենք ունենք կարիքներ։ Մենք ունենք մեզ օգնելու պատրաստ բժշկական ոլորտում աշխատող անձինք, կազմակերպություններ, և, բնական է, որ պետք է շարունակենք աշխատել և նմանատիպ ապրանքներ հնարավորինս շատ հասցնենք Հայաստան»,- ասաց Սփյուռքի գործերի գլխավոր հանձնակատարը։
 
Սինանյանը շնորհակալություն հայտնեց Հայկական բժշկական միջազգային կոմիտեին (Armenian medical international committee (AMIC), բժիշկներ Շահան Չխրդմյանին, Վիգեն Սեպիլյանին, Հայաստան համահայկական հիմնադրամին, որոնք օգնել են Հայաստան հասցնել բժշկական բոլոր պարագաները։ Նա շեշտեց, որ միջազգային գործընկերների կողմից օգնելու պատրաստակամության պակաս Հայաստանը չունի։
 
ՀՀ կառավարությունը Հայաստանում արտակարգ դրություն է հայտարարել: Արտակարգ դրությունը գործում է Հայաստանի Հանրապետության ամբողջ տարածքում 2020 թվականի մարտի 16-ից, ժամը 18:30-ից սկսած մինչև 2020 թվականի ապրիլի 14-ը, ժամը 17:00-ն: Հայաստանում կորոնավիրուսի հաստատված դեպքերի թիվը հասել է 122-ի: Առաջին դեպքը գրանցվել էր մարտի 1-ին: Քաղաքացին Հայաստան էր եկել Իրանից: Նա ապաքինվել է և դուրս է գրվել:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ժամը 20:00-ից դադարեցվելու է մայրաքաղաքում հասարակական տրանսպորտի աշխատանքը

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

Համապետական ընտրություններին մասնակցել են ընտրողների 72,7%-ը. ԿԸՀ նախագահ

ԱՀ ՊՆ-ն արձագանքել է Վիտալի Բալասանյանի հայտարարությանը

Նախագահական ընտրությունների երկրորդ փուլին մենք չենք պաշտպանի թեկնածուներից որևէ մեկին. Վիտալի Բալասանյան

Արցախում կանցկացվի նախագահական ընտրությունների երկրորդ փուլը

Առայսօր կորոնավիրուսային վարակի դեպք չի գրանցվել. կա 2 մեկուսացված քաղաքացի. Տեղեկատվական շտաբ

Զինծառայող է մահացել

Ո՞ւմ են ընտրելու արցախցիները նախագահական ընտրություններում. հարցախույզ (տեսանյութ)

Search