Բարձրագույն կրթության ոլորտում սկսվել է բուհերի հավատարմագրման գործընթացը:
Փոխհատուցվել է սոցիալական որոշ խմբերի 118 ուսանողների ուսուցման վճարը. Նարինե Աղաբալյան
ՍՏԵՓԱՆԱԿԵՐՏ, 27 փետրվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր կայացած մամուլի ասուլիսի ժամանակ ասել է ԱՀ կրթության, գիտության և սպորտի նախարար Նարինե Աղաբալյանը:
Նախարարի խոսքով՝ Արցախում գործող հինգ բարձրագույն ուսումնական հաստատություններից չորսը ՀՀ որակի ապահովման ազգային կենտրոն (ՈԱԱԿ) են ներկայացրել ինստիտուցիոնալ հավատարմագրման հայտեր:
«Փոխհատուցվել է սոցիալական որոշ խմբերի 118 ուսանողների, այդ թվում՝ ԱՀ պետական և ոչ պետական հավատարմագրված բուհերի ու միջին մասնագիտական ուսումնական հաստատությունների առկա ուսուցմամբ վճարովի համակարգում սովորող զոհված զինծառայողների և արցախյան ազատամարտի 1-ին կարգի հաշմանդամների զավակների, 1-ին և 2-րդ կարգի հաշմանդամություն ունեցող և ծնողազուրկ ուսանողների, ինչպես նաև ԱՀ բուհերի բակալավրիատի առկա ուսուցման վճարովի համակարգում սովորող պաշտպանության բանակի ծառայության մեջ և պահեստազորում գտնվող սպաների 361 զավակ-ուսանnղների ուսման վարձավճարը, պետական աջակցություն է ցուցաբերվել 36 ուսանողի՝ Հայաստանի Ամերիկյան համալսարանում և 11 ուսանողի՝ արտերկրի հեղինակավոր բուհերում ուսումը շարունակելու և կրթական ծրագրերի մասնակցելու նպատակով»,- Ն. Աղաբալյանը: