2019 թ-ին նախնական մասնագիտական (արհեստագործական) և միջին մասնագիտական կրթության ոլորտում հետևողական աշխատանքներ են տարվել ուսումնական հաստատությունների մասնագիտությունների հստակեցման, ուսումնանյութական հագեցվածության, արհեստավոր և կրտսեր մասնագետների պատրաստման հիմնախնդիրների լուծման ուղղությամբ:
Նախնական մասնագիտական և միջին մասնագիտական կրթության ոլորտում իրականացվել են մի շարք աշխատանքներ. նախարար
ՍՏԵՓԱՆԱԿԵՐՏ, 27 փետրվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր կայացած մամուլի ասուլիսի ժամանակ ասել է ԱՀ կրթության, գիտության և սպորտի նախարար Նարինե Աղաբալյանը:
Նրա խոսքով՝ ստեղծվել է Բերձորի «Անուշավան և Օֆիկ Աբրահամյան» գյուղատնտեսական քոլեջ հիմնադրամը, որը 2020 թ-ի սեպտեմբերից պետք է ընդունելություն կատարի 5 միջին մասնագիտությունների գծով:
««Քրիստոնյաները կարիքի մեջ» հասարակական կազմակերպության միջոցով համագործակցություն է սկսվել Իտալիայի Միլան քաղաքում գործող «Դոն Կառլո Գնոչիի» անվան ուսումնարանի հետ: Համագործակցության շրջանակներում մեկնարկել են Ստեփանակերտի արհեստագործական ուսումնարանի արդիականացման աշխատանքները, մասնավորապես, սկսվել է նոր փայտամշակման արհեստանոց-արտադրամասի շինարարությունը, որը կհամալրվի բարեգործական խողովակներով առաքված ժամանակակից սարքավորումներով և որտեղ իտալացի վարպետները 2020թ-ի գարնանը կսկսեն իրականացնել կրթական նոր ծրագիր: Նույնպիսի ծրագրեր և մասնագետների Իտալիայում վերապատրաստման միջոցառումներ են նախատեսված վարսավիրական և հասարակական սննդի խմբերի ուսանողների համար: ԱՄՆ-ից բարերար Հակոբ Բուռնազյանի աջակցությամբ անհրաժեշտ գործիքներով և սարքավորումներով համալրվել է Մարտունու արհեստագործական ուսումնարանը: Շարունակվել է մասնագիտական կողմնորոշման ծրագիրը 9-րդ դասարանցիների՝ Ստեփանակերտի ռազմամարզական վարժարան, Շուշիի «Եզնիկ Մոզյան» արհեստագործական ուսումնարան և Շուշիի Արսեն Խաչատրյանի անվան հումանիտար քոլեջ այցելությունների միջոցով»,-մանրամասնել է ասել է Ն. Աղաբալյանը:
