Artsakhpress

Միջազգային

Կորոնավիրուսի ֆոնին բրիտանական ընկերությունների արժեքը երկու օրվա ընթացքում ընկել է 126 միլիարդ դոլարով

Լոնդոնի ֆոնդային բորսայում բրիտանական ընկերությունների բաժնետոմսերի արժեքը վերջին երկու օրվա ընթացքում նվազել է մոտ 100 միլիարդ ֆունտով (ավելի քան 126 միլիարդ դոլար)` աշխարհում նոր կորոնավիրուսի տարածման եւ գլոբալ տնտեսությանն ուղղված սպառնալիքների ֆոնին:

Կորոնավիրուսի ֆոնին բրիտանական ընկերությունների արժեքը երկու օրվա ընթացքում ընկել է 126 միլիարդ դոլարով

Կորոնավիրուսի ֆոնին բրիտանական ընկերությունների արժեքը երկու օրվա ընթացքում ընկել է 126 միլիարդ դոլարով
ՍՏԵՓԱՆԱԿԵՐՏ, 26 փետրվարի, ԱՐՑԱԽՊՐԵՍ: Երեքշաբթի օրը կայացած աճուրդի արդյունքում FTSE-100 ինդեքսը, որը հաշվարկելիս որպես հիմք են ծառայում առավելագույն կապիտալիզացիա ունեցող հարյուր ընկերությունների բաժնետոմսերը, նվազել է 1.94 տոկոսով` մինչեւ 7017 կետ, փոխանցում է News.am-ը:
Ինչպես հաշվարկել է The Guardian թերթը, միայն փետրվարի 25-ի ընթացքում բրիտանական ընկերությունների ընդհանուր կապիտալիզացիան նվազել է մոտ 35 միլիարդ ֆունտով (45.5 միլիարդ դոլար): Մեկ օր առաջ` Իռլանդիայում, Իրանում եւ այլ երկրներում կորոնավիրուսների ակտիվ տարածման ֆոնին, FTSE-100-ը հինգ ամսվա ընթացքում ցույց տվեց իր ամենաակտիվ անկումը. թագավորության հարյուր առաջատար ընկերությունների բաժնետոմսերի արժեքը նվազել էր եւս 62 միլիարդ ֆունտով (81 միլիարդ դոլար):
Անկման առաջատարներն էին զբոսաշրջության հետ կապված ընկերությունները, որոնք շատ էին տուժել մի շարք երկրներ մուտքի սահմանափակումներից, նախազգուշացումներից ձեռնպահ մնալ այցելություններից այն շրջաններ, որտեղ վարակի դեպքեր էին հայտնաբերվել: Էականորեն ընկել է նաեւ լյուքս դասի ապրանքներ արտադրող ընկերությունների բաժնետոմսերի արժեքը, որոնց վաճառքներն իրենց համար կարեւոր չինական շուկայում կտրուկ կրճատվել են:
«Կասկած չկա, որ ֆինանսական շուկաները գալիս են այն գիտակցմանը, որ ներկայիս ճգնաժամը, հավանաբար, մի փոքր ավելի երկար կտեւի, քան շատերը կարծում էին մի քանի շաբաթ առաջ»,- Daily Mail-ին տված իր մեկնաբանությունում նշել է CMC Markets-ի վերլուծաբան Մայքլ Հյուսոնը: Ըստ նրա` կարճաժամկետ հեռանկարում դժվար է իրավիճակի կայունացում ակնկալել, եւ ներդրողները պետք է ընտելանան «տեւական անորոշությանն ու անկայունությանը»:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Արցախի ընտրություններին մեկնող դիտորդներն արագ թեստավորում կանցնեն

Նախորդ օրը մեկուսացված 3 քաղաքացիների մոտ Նոր կորոնավիրուսի վարակ չի հայտնաբերվել. ԱՀ ԱՆ

Search