Այսօր՝ փետրվարի 25-ին, ԱՀ Հանրային ծառայությունները և տնտեսական մրցակցությունը կարգավորող պետական Հանձնաժողովում գումարվել է հանձնաժողովի հերթական նիստը:
Կայացել է ԱՀ ՀԾՏՄԿՊ հանձնաժողովի հերթական նիստը. մի շարք որոշումներում փոփոխություններ են կատարվել
ՍՏԵՓԱՆԱԿԵՐՏ, 25 փետրվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ ինչպես տեղեկացնում են ԱՀ Հանրային ծառայությունները և տնտեսական մրցակցությունը կարգավորող պետական հանձնաժողովի մամլո ծառայությունից, օրակարգի առաջին երեք հարցերով Հանձնաժողովը փոփոխություններ է կատարել 2019 թվականի ապրիլի 26-ի «Վերականգնվող Էներգետիկ ռեսուրսներ օգտագործող ինքնավար էներգաարտադրողի և էլեկտրական էներգիայի բաշխման լիցենզիա ունեցող անձի մատակարարած էլեկտրական էներգիայի դիմաց հատուցում տրամադրելու կարգը հաստատելու մասին» N 14-Ն որոշման 1-ին կետով հաստատված, 2019 թվականի ապրիլի 26-ի «Էլեկտրական էներգիայի մատակարարման և հատուցման (ինքնավար էներգաարտադրող-բաշխող) պայմանագրի օրինակելի ձևը սահմանելու մասին» N 15-Ն որոշման 1-ին կետով սահմանված հավելվածներում և լրացում է կատարել 2013 թվականի դեկտեմբերի 23-ի «Ռադիոհաճախականությունների օգտագործման թույլտվությունների կասեցման և դադարեցման կարգը հաստատելու մասին» N 82Ն որոշմամբ հաստատված՝ ռադիոհաճախականությունների օգտագործման թույլտվությունների կասեցման և դադարեցման կարգում:
Օրակարգի վերջին հարցով Հանձնաժողովը հաստատել է Արցախի Հանրապետության Նախագահի և Ազգային ժողովի ընտրությունների նախընտրական քարոզչության ժամանակահատվածում վերգետնյա եթերային հեռարձակում իրականացնող հեռուստաընկերությունների, ռադիոընկերությունների կողմից ընտրություններին մասնակցող նախագահի թեկնածուների, կուսակցությունների (կուսակցությունների դաշինքների) համար հավասար պայմանների ապահովման գնահատման մեթոդաբանությունը:
Քննարկվել են այլ կազմակերպչական հարցեր:
