Artsakhpress

Սփյուռք

Միսաք Մանուշյանի խմբի գնդակահարության տարելիցին նվիրված միջոցառումներ Ֆրանսիայում

Փետրվարի 20-23-ը Ֆրանսիայում անցկացվեցին Միսաք Մանուշյանի խմբի գնդակահարության 76-րդ տարելիցին նվիրված մի շարք միջոցառումներ:

Միսաք Մանուշյանի խմբի գնդակահարության տարելիցին նվիրված միջոցառումներ Ֆրանսիայում

Միսաք Մանուշյանի խմբի գնդակահարության տարելիցին նվիրված միջոցառումներ Ֆրանսիայում

ՍՏԵՓԱՆԱԿԵՐՏ, 24 փետրվարի, ԱՐՑԱԽՊՐԵՍ։ 1lurer.am-ի փոխանցմամբ, այս մասին հայտնում է Ֆրանսիայում ՀՀ դեսպանության Ֆեյսբուքի էջը: 

Փետրվարի 20-ին Փարիզի Նյոյի-սյուր-Սեն արվարձանի սինագոգում կազմակերպվել էր ավանդական հիշատակի արարողություն՝ նվիրված Միսաք Մանուշյանի խմբին և վերջինիս հայ և հրեա հերոսներին: Միջոցառումը կազմակերպվել էր Դիմադրության հայ նախկին մարտիկների ազգային ասոցիացիայի (Association Nationale des Anciens Combattants et Résistants Arméniens) և հրեական բանակային հոգևորական ծառայության (Aumônerie Israélite des Armées) կողմից: Միջոցառմանը ելույթներով հանդես են եկել Ֆրանսիայում ՀՀ դեսպան Հասմիկ Տոլմաջյանը, Ֆրանսիայի գլխավոր րաբբի Հաիմ Կորսիան, ինչպես նաև Դիմադրության հայ նախկին մարտիկների ազգային ասոցիացիայի նախագահ Անտուան Բաղդիկյանը:

Փետրվարի 23-ին Դիմադրության նախկին մարտիկների և ընկերների ազգային ասոցիացիայի կողմից (Association Nationale des Anciens Combattants et Ami(e)s de la Résistance, ANACR) հիշատակի միջոցառում էր կազմակերպվել Փարիզի Իվրիի գերեզմանատանը, որտեղ հողին են հանձնված Միսաք Մանուշյանի, ինչպես նաև նրա խմբի մյուս մարտիկների մարմինները:

Միսաք Մանուշյանի խմբի հիշատակին նվիրված միջոցառումներ են կազմակերպվել նաև Փարիզի 14-րդ և 20-րդ շրջաններում, ինչպես նաև Մարսել, Վո Ան Վլեն, Ռոման, Վալանս և Գրենոբլ քաղաքներում:

Հիշատակի միջոցառումներին ներկա են եղել վերոնշյալ քաղաքների քաղաքապետները, Ֆրանսիայի ազգային ժողովի պատգամավորներ և սենատորներ, Ֆրանսիայում ՀՀ դեսպանության, Լիոնում և Մարսելում ՀՀ գլխավոր հյուպատոսությունների, ինչպես նաև հայ համայնքի բազմաթիվ ներկայացուցիչներ:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Արցախի ընտրություններին մեկնող դիտորդներն արագ թեստավորում կանցնեն

Նախորդ օրը մեկուսացված 3 քաղաքացիների մոտ Նոր կորոնավիրուսի վարակ չի հայտնաբերվել. ԱՀ ԱՆ

Search