Artsakhpress

Քաղաքական

Ճապոնիայի կայսեր ծննդյան երևանյան ընդունելությանը դեսպան Յամադան նվագեց երկու երկրների օրհներգերը

Հայաստանի Հանրապետությունում Ճապոնիայի դեսպանությունը նշում է Ճապոնիայի Նորին մեծություն կայսեր` Նարուհիտոյի, ծննդյան 60-ամյակը:

Ճապոնիայի կայսեր ծննդյան երևանյան ընդունելությանը դեսպան Յամադան նվագեց երկու երկրների օրհներգերը

Ճապոնիայի կայսեր ծննդյան երևանյան ընդունելությանը դեսպան Յամադան նվագեց երկու երկրների օրհներգերը
ՍՏԵՓԱՆԱԿԵՐՏ, 21 փետրվարի, ԱՐՑԱԽՊՐԵՍ։ Փետրվարի 21-ին հրավիրված ծննդյան ընդունելության սկզբում Հայաստանում Ճապոնիայի դեսպան Ջուն Յամադան գալարափողով նվագեց երկու երկրների պետական օրհներգերը:
«Ինձ համար մեծ պատիվ է ձեզ հետ միասին նշել Նորին Մեծություն Ճապոնիայի կայսեր ծննդյան տարեդարձը, ում վաթսուն ամյակը կլրանա այս տարվա փետրվարի 23-ին: 2019 թվականը նշանավորվեց «Ռեյվա» դարաշրջանի մեկնարկով` Ճապոնիայի նոր կայսեր գահակալմամբ, ինչը, հիրավի, պատմական իրադարձություն է Ճապոնիայի ժողովրդի համար: Նոր օրացույցի ներքո սա ազգային օրվա առաջին տոնակատարությունն է»,- ասաց դեսպանը:
ՀՀ արտաքին գործերի նախարարի տեղակալ Ավետ Ադոնցն «Արմենպրես»-ի հետ զրույցում Ճապոնիայի հետ հարաբերությունները որակեց շատ դրական, արդյունավետ և դինամիկ զարգացող:
«Ճապոնական բիզնեսի կողմից բավական մեծ հետաքրքրություն կա Հայաստանի նկատմամբ: Մոտակա մեկ ամսում տեղի է ունենալու գործարարների հանդիպում: Ճապոնիան բավական ներգրավված է մեր զարգացման ծրագրերում, մասնավորապես արտակարգ իրավիճակների և այլ բնագավառներում»,- ասաց Ադոնցը:
ՀՀ կրթության, գիտության, մշակույթի և սպորտի նախարար Արայիկ Հարությունյանը նշեց, որ առաջիկա ծրագիրը, որի շուրջ համագործակցելու են իրենց նախարարությունն ու Ճապոնիան, 2020 թվականին Տոկիոյում անցկացվելիք օլիմպիական խաղերն են:
«Համագործակցությունը լրացնելու տեղ միշտ ունենք, որովհետև Ճապոնիան կրթական, մշակութային առումով լայն հնարավորություններով երկիր է: Թե' մշակույթի, թե' կրթության ոլորտում հաջողված համագործակցության փորձ ունենք` ճապոնական հիմնադրամներն աջակցում են մեր մշակութային կառույցներին, դեսպանի հետ քննարկել ենք նաև կրթական ոլորտում համագործակցության հնարավորությունները: Մեր նախարարության ամենաարդյունավետ գործընկերներից է Ճապոնիան»,- նշեց Հարությունյանը:
ՀՀ Ազգային ժողովի «Իմ քայլը» խմբակցության և Հայաստան-Ճապոնիա բարեկամական խմբի անդամ Արթուր Դավթյանը նշեց, որ խորհրդարանական դիվանագիտության տեսանկյունից ՀՀ-ի ու Ճապոնիայի խորհրդարանականները հարաբերությունները զարգացնելու մեծ դաշտ ունեն:
«Ճապոնիան աշխարհում շատ զարգացած և կարևոր տեղ զբաղեցնող պետություն է: Հայաստանի Հանրապետությունը. նրա հետ բարեկամական հարաբերություններ ունենալով և տնտեսական համագործակցությամբ, բավական մեծ հաջողություններ կարող է գրանցել, մանավանդ տեղեկատվական տեխնոլոգիաների ոլորտում, որտեղ Ճապոնիան առաջատար է»,- ասաց Դավթյանը:
Նորայր Շողիկյան

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ժամը 20:00-ից դադարեցվելու է մայրաքաղաքում հասարակական տրանսպորտի աշխատանքը

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

Մասիս Մայիլյանը ընդունեց իր պարտությունը

Համապետական ընտրություններին մասնակցել են ընտրողների 72,7%-ը. ԿԸՀ նախագահ

Նախագահական ընտրությունների երկրորդ փուլին մենք չենք պաշտպանի թեկնածուներից որևէ մեկին. Վիտալի Բալասանյան

Արցախում կանցկացվի նախագահական ընտրությունների երկրորդ փուլը

Առայսօր կորոնավիրուսային վարակի դեպք չի գրանցվել. կա 2 մեկուսացված քաղաքացի. Տեղեկատվական շտաբ

Ստեփանակերտում արձանագրվել է 9 ապրանքատեսակների միջին գների փոփոխություն. Տեղեկատվական շտաբ

Զինծառայող է մահացել

Search