Artsakhpress

Մշակույթ

Առանց մայրենի լեզվի հայ մարդն առոչինչ է. այսօր մայրենիի միջազգային օրն է

Փետրվարի 21-ը մայրենի լեզվի միջազգային օրն է:

Առանց մայրենի լեզվի հայ մարդն առոչինչ է. այսօր մայրենիի միջազգային օրն է

Առանց  մայրենի   լեզվի   հայ   մարդն  առոչինչ  է.   այսօր մայրենիի   միջազգային օրն  է

ՍՏԵՓԱՆԱԿԵՐՏ, 21 փետրվարի, ԱՐՑԱԽՊՐԵՍ։ «Արցախպրես»-ի թղթակցի հետ զրույցում ԱՀ կրթության, գիտության և սպորտի նախարարության լեզվի տեսչության պետ Արտակ Ղուլյանն ասել է, որ լեզուն կենդանի օրգանիզմ է` հատկապես հայոց լեզուն, որը հայի ինքնության գլխավոր կռվանն է:

Նրա խոսքով՝ մայրենի լեզվի դերը հայ մարդու կյանքում անժխտելի է. այն հայ ժողովրդի պահպանման գլխավոր երաշխավորն է:

«Լեզվական գրագիտությունը հանրակրթական դպրոցներում բավարար է: Ես չեմ տեսել որևէ կրթօջախ, որտեղ ուսուցիչը կամ աշակերտը խոսեն արցախյան բարբառով: Խնդիրը դպրոցական ծրագրերի և դասագրքերի մեջ է: Յուրաքանչյուր հայ, անկախ տարիքից, պետք է սիրի իր մայրենի լեզուն,եթե չսիրենք մեր լեզուն և չօգտագործենք, կգնանք ուծացման կամ ձուլման»,-մասնավորապես ասել է Ա. Ղուլյանը: Խոսելով լեզվական աղավաղումների մասին՝ տեսչության պետը նշել է, որ դրա համար կա երկու գլխավոր պատճառ. առաջինը ռուսախոսությունն է, որովհետև հասարակության մի մասն ունի ռուսական կրթություն, երկրորդը՝ լեզվական գիտելիքներին չտիրապետելն է:

«Ոչ ճիշտ լեզվամտածողությունը հանգեցնում է արժեքների խաթարման: Հեռուստացույցով ցուցադրվող սերիալներում, ինչպես նաև հաղորդումներում լինում են բազմաթիվ լեզվական սխալներ, այսինքն՝ խնդիրը միայն դպրոցներում չպետք է փնտրել, այլ՝ ամենուր: Մենք պետք է հոգատար լինենք մեր մայրենի լեզվի հանդեպ,-ասել է Ա. Ղուլյանը և շարունակել,-տոնի առթիվ շնորհավորում եմ բոլորիս: Այս օրը ևս մեկ առիթ է վերարժևորելու և գնահատելու մեր լեզվի դերն ու նշանակությունը: Եթե մենք ուզում ենք լինել հպարտ, ապա դրա կարևոր նախապայմանը լեզու ունենալն է, ուստի պետք է գիտակցենք, որ առանց մայրենի լեզվի հայ մարդն առոչինչ է: Եկեք սիրենք, պահենք ու պաշտպանենք մեր լեզուն»:

Մեր զրուցակիցը տեղեկացրել է, որ ԱՀ կրթության, գիտության և սպորտի նախարարության լեզվի տեսչությունը յուրաքանչյուր տարվա մայիսին Ստեփանակերտի N 7 դպրոցում կազմակերպում է հայոց լեզվի յուրացման անվճար դասընթացներ՝ առանց ժամկետի: Դիմողների թիվն տարեցտարի ավելանում է:

Նա տեղեկացրել է նաև, որ տոնի առթիվ հանրապետության կրթօջախներում կազմակերպվելու են մի շարք միջոցառումներ:


     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Երեք զինծառայողի մոտ կորոնավիրուս է հայտնաբերվել. 32 զինծառայողից կատարվել է նմուշառում

Ժամանակավորապես արգելվում է մուտքը Հայաստանից Արցախ. կան բացառություններ

ԱՀ ոստիկանությունը հայտնաբերել է Facebook-ի մեսենջերում կեղծ լուրեր տարածողին

Նոր զարգացումներ Արցախում․ պայքարը թեժանում է

Արցախում կորոնավիրուսային վարակի տարածումը կանխելու նպատակով կասկածելի անձանցից նմուշառումը իրականացվում է՝ հաշվի առնելով կլինիկակական ախտանշանները

Արցախում կորոնավիրուսի վարակման դեպք չի արձանագրվել. 3 մեկուսացված քաղաքացի կա. ԱՀ ԱՆ

Հեռախոսակապի ծառայությունները և շարժական համացանցը ժամանակավորապես կաշխատեն խափանումներով

Ֆինանսների նախարարությունը Վիտալի Բալասանյանից փաստեր է պահանջում

Արցախի ընտրություններին մեկնող դիտորդներն արագ թեստավորում կանցնեն

Search