2019 թ-ին պետբյուջեից շինարարությանը հատկացվել է 23 մլրդ 835 մլն 819 հազար ՀՀ դրամ. Կարեն Շահրամանյանը հանդես է եկել մամուլի ասուլիսով
ԱՀ քաղաքաշինության նախարարությունը, ԱՀ օրենսդրությամբ իրեն վերապահված լիազորությունների շրջանակներում 2019 թվականին իրականացրել է գործունեություն՝ ելնելով բնագավառի հեռանկարային, սոցիալ-տնտեսական զարգացման և դրանցից բխող աշխատանքային ծրագրով ամրագրված հիմնախնդիրներից:
2019 թ-ին պետբյուջեից շինարարությանը հատկացվել է 23 մլրդ 835 մլն 819 հազար ՀՀ դրամ. Կարեն Շահրամանյանը հանդես է եկել մամուլի ասուլիսով
ՍՏԵՓԱՆԱԿԵՐՏ, 31 հունվարի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին այսօր կայացած մամուլի ասուլիսի ժամանակ ասել է ԱՀ քաղաքաշինության նախարար Կարեն Շահրամանյանը:
Նա ներկայացրել է 2019 թվականի շինարարության ոլորտի գործունեության և գերակա խնդիրների իրականացման, ինչպես նաև սոցիալ-տնտեսական զարգացման ծրագրերից բխող և ԱՀ քաղաքաշինության նախարարության աշխատանքային ծրագրով նախատեսված աշխատանքների կատարման վերաբերյալ հաշվետվությունը:
«ԱՀ պետական բյուջեում 2019 թվականին կապիտալ ներդրումների պետական պատվերի սկզբնական ծավալը նախատեսված էր 17 մլրդ 911 մլն ՀՀ դրամ, որը դեկտեմբերի 30-ի դրությամբ կազմել է 22 մլրդ 710 մլն 755 հազար ՀՀ դրամ՝ այսինքն լրացուցիչ նախատեսվել է 4 մլրդ 798, մլն 955 հազար դրամ: Բացի նշվածից, ԱՀ կառավարության պահուստային ֆոնդից կապիտալ շինարարության ծրագրին հատկացվել է ևս 702 մլն 951 հազար դրամ, գույքի գնման ծախսերով` 155 մլն 750 հազար դրամ, քաղաքացիական պաշտպանության միջոցառումների ծրագրով` 249 մլն 765 հազար դրամ, այլ պարտավորությունների հատուցման ենթակա ծախսերով` 16,6 մլն դրամ: Ընդհանուր առմաբ 2019 թ-ին ԱՀ պետական բյուջեի միջոցների հաշվին կապիտալ շինարարության համար հատկացվել է 23 մլրդ 835 մլն 819 հազար ՀՀ դրամ, որի կատարողականը կազմում է 23 մլրդ 631 մլն դրամ կամ 99,1%-ը, որից 3233,3 մլն դրամը գանձվել է պետական բյուջե որպես հարկ։ Բացի պետական բյուջեից, ԱՀ կառավարության արտաբյուջետային միջոցների հաշվին ևս իրականացվել են 889,445 մլն դրամի շինմոնտաժային աշխատանքներ»,-մասնավորապես ասել է նախարարը:
Նա ավելացրել է, որ շինարարության ոլորտի բաժնեմասը երկրի տնտեսության համախառն ներքին արդյունքում կազմում է շուրջ 6,9 %-ը, իսկ պետական բյուջեի` մոտ 21,3 %-ը:
Ասուլիսի վերջում ԱՀ քաղաքաշինության նախարար Կարեն Շահրամանյանը պատասխանել է լրագրողների հարցերին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -32-: