Համաձայն վիճակագրական տվյալների՝ 2019 թվականին հանրապետությունում արձանագրվել է 1155 մահացության դեպք՝ նախորդ տարվա 1185-ի դիմաց։
Հանրապետությունում նվազել է մահացությունների թիվը. Արայիկ Բաղրյան
ՍՏԵՓԱՆԱԿԵՐՏ, 24 հունվարի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին այսօր՝ հունվարի 24-ին կայացած մամլո ասուլիսի ժամանակ ասել է ԱՀ առողջապահության նախարար Արայիկ Բաղրյանը:
Նա նշել է, որ, առողջապահության նախարարության տվյալներով, հիվանդանոցային մահերը կազմել է 250 դեպք: «Հիվանդանոցային մահերից 9-ի պատճառ են դարձել վթարները կամ դժբախտ պատահարների հետ, 85-ին՝ արյան շրջանառության հիվանդությունները, որոնցից 54-ը՝ ինսուլտ ու 22-ը՝ ինֆարկտ: Մահացության դեպքերից 98-ը 76-ից բարձր տարիք ունեցողներն են, 43-ը՝ 66-75 տարեկաններն են և 43-ը՝ 56-65: Մահացությունների հիմնական պատճառը չարորակ նորագոյացություններն են և արյան շրջանառության համակարգի հիվանդությունները:
Հիվանդանոցային մահերը հիմնականում պայմանավորված են «Հանրապետական բժշկական կենտրոն» ծանր հիվանդների տեղափոխմամբ, որոնց ծանրակշիռ մասը տարեցներ են»,- մանրամասնել է նախարարը: