Artsakhpress

Միջազգային

Ֆրանսիան բոլոր ջանքերը կներդնի Լիբանանին օգնելու հաղթահարել ճգնաժամը. Մակրոն

Փարիզը մտադիր է անհրաժեշտ բոլոր ջանքերը ներդնել կարգավորելու համար Լիբանանի քաղաքական իրավիճակը:

Ֆրանսիան բոլոր ջանքերը կներդնի Լիբանանին օգնելու հաղթահարել ճգնաժամը. Մակրոն

Ֆրանսիան բոլոր ջանքերը կներդնի Լիբանանին օգնելու հաղթահարել ճգնաժամը. Մակրոն
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ։  Այս մասին չորեքշաբթի Երուսաղեմում հայտարարել է այցով Իսրայելում գտնվող Ֆրանսիայի նախագահ Էմանուել Մակրոնը: Նա բանակցություններ է անցկացրել Իսրայելի վարչապետի պաշտոնակատար Բենիամին Նեթանյահուի եւ երկրի նախագահ Ռեուվեն Ռիվլինի հետ: Մամուլի ասուլիսում Մակրոնի ելույթի հեռարձակումը կատարվել է Ելիսեյան պալատի Twitter-յան էջում, փոխանցում է News.am-ը:
«Ֆրանսիան իր կողմից հնարավոր ամեն ինչ կանի՝ Լիբանանի քաղաքացիներին օգնելու համար ներկայիս խոր ճգնաժամի իրավիճակում, որով անցնում է այս երկիրը»,- ասել է Մակրոնը: Նա նշել է, որ Ֆրանսիան Լիբանանին վերաբերվում է «բարեկամաբար» եւ «բարյացակամությամբ», որն «իսկապես թանկ է իր համար»:
Միաժամանակ, Մակրոնը շեշտել է, որ «անհրաժեշտ է աչալուրջ լինել ահաբեկչական գործունեության ցանկացած ձեւի հանդեպ, որը կարող է վարվել այս երկրից եւ սպառնալիք ներկայացնել Իսրայելի անվտանգությանը, եւ միաժամանակ սպառնալիք է կրում լիբանանցիների համատեղ գոյակցությանը»:
Լիբանանի նախագահ Միշել Աունը անցյալ տարվա դեկտեմբերի 19-ին անկախ սուննի քաղաքական գործիչ Հասան Դիաբին հանձնարարել էր երկրի նոր կառավորություն ձեւավորել այն բանից հետո, երբ զանգվածային ցույցերի ֆոնին հոկտեմբերի 29-ին հրաժարական էր ներկայացրել Սաադ Հարիրիի կոալիցիոն կառավարությունը: Նոր վարչապետը խոստացել էր մշակել «Լիբանանի փրկության բարեփոխումների իրատեսական ծրագիր» եւ հայտնել էր, որ համաձայն է ժողովրդական բողոքի շարժման պահանջներին, որը, նրա խոսքով, «քաղաքական կյանքին ճիշտ ուղղություն կտար»:
Լիբանանի նախագահը հունվարի 21-ին հաստատել էր երկրի նոր կառավարության կազմը՝ վարչապետ Դիաբի գլխավորությամբ: Կառավարությունը, որը պետք է Լիբանանը հանի սուր տնտեսական եւ ֆինանսական ճգնաժամից, բաղկացած է 20 տեխնոկրատ նախարարներից, որոնք ներկայացնում են երկրի քրիստոնեական եւ մուսուլմանական համայնքները:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -60-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Search