Մեծ Բրիտանիայի թագուհու ավագ թոռը` Փիթեր Ֆիլիպսը, մասնակցել է կաթի գովազդի նկարահանումներին:
Էլիզաբեթ II-ի մեծ թոռը կաթի գովազդում է նկարահանվել, ինչը սկանդալ է առաջացրել (լուսանկարներ, տեսանյութ)
ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ։ Տեսանյութը նկարահանել է չինական հեռուստաընկերությունը, Tert.am-ի փոխանցմամբ, հայտնում է Daily Mail պարբերականը:
Այսպիսով` գովազդային գլխավոր լուսանկարում 42-ամյա Ֆիլիպսը նստած է շքեղ մարգագետնում` առանձնատան դիմաց` ձեռքին կաթով լի բաժակ:
«Բրիտանական թագավորական ընտանիքի անդամ Փիթեր Ֆիլիպսը»,- չինարեն գրված է լուսանկարի վրա:
Տեսանյութում արիստոկրատը պատմում է, որ իրեն ջերսի ցեղատեսակի կովերի կաթով են մեծացրել:
Դեռևս գովազդային ընկերությունը չի հասցրել Ֆիլիպսի հետ համատեղ աշխատանքի պտուղները քաղել, երբ մեծ սկանդալ է բռնկվել գովազդի շուրջ: Լուսանկարում Էլիզաբեթ II-ի թոռան` հետևի ֆոնին պատկերված առանձնատան սեփականատերերը հայտարարել են, որ թույլտվություն չեն տրամադրել, որ գովազդում իրենց անշարժ գույքն օգտագործվի:
Իսկ բրիտանական լրատվամիջոցներն էլ գրել են, որ Փիթեր Ֆիլիպսը թագավորական տիտղոսներ չունի, իսկ գովազդում շեշտվում է նրա` թագավորական ընտանիքին պատկանելու փաստը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -38-:
