Ստեփանակերտում մեկնարկել են հանրապետության գլխավոր տոնածառի, ինչպես նաև տոնական ձևավորման ու զարդարանքների ապամոնտաժման աշխատանքները:
Ապամոնտաժվում է հանրապետության գլխավոր տոնածառը
ՍՏԵՓԱՆԱԿԵՐՏ, 21 հունվարի, ԱՐՑԱԽՊՐԵՍ:Այս մասին «Արցախպրես»-ի թղթակցի հետ զրույցում ասել է Ստեփանակերտի քաղաքապետարանի աշխատակազմի զարգացման ծրագրերի բաժնի պետ Էդգար Ավանեսյանը` նշելով, որ աշխատանքներն կիրականացվեն ըստ ժամանակացույցի: Նրա խոսքով՝ մայրաքաղաքի փողոցների տոնական ձևավորման նպատակով 109 ծառերի և մայթեզրերի վրա տեղադրվել էին 5850մ դիոդային «LED» խողովակներ, իսկ 225 ծառեր և 13 թփեր ձևավորվել էին գունավոր շղթաներով:
«Տարբեր փողոցներում հենասյունների վրա տեղադրվել էին 45 լուսադիոդային դեկորներ՝ Ս.Դավիթ, Ադմ. Իսակով, Մ. Բաղրամյան, Հ. Թումանյան, Կամո, Ա.Մանուկյան, Ազատամարտիկների, Ենիկալոպովի, Բաղրամյան-Մկրտչյան-Վաղարշյան փողոցներում և դրանց խաչմերուկում, Հաղթանակի հրապարակում դիոդային «LED» լուսաշղթաներով կառուցվել էին թվով 3 տոնածառ»,-ավելացրել է Է. Ավանեսյանը՝ նշելով, որ աշխատանքներն իրականացվում են Ստեփանակերտի քաղաքապետարանի ,Բնակարանային շահագործման տնտեսությունե և «Արցախէներգո» ՓԲԸ-ների, ինչպես նաև «Գոլդ լայթ» ՍՊԸ-ի աշխատակիցների կողմից: