Artsakhpress

Միջազգային

Մերկելը Եվրոպային ինքնուրույնության կոչ է արել

Եվրոպան պետք է պատրաստ լինի համաշխարհային քաղաքականության մեջ ավելի մեծ պատասխանատվություն ստանձնելու եւ իր ռազմական պոտենցիալը զարգացնելու, քանի որ ԱՄՆ-ի հետ նրա հարաբերությունները շարունակելու են փոփոխվել:

Մերկելը Եվրոպային ինքնուրույնության կոչ է արել

Մերկելը Եվրոպային ինքնուրույնության կոչ է արել
ՍՏԵՓԱՆԱԿԵՐՏ, 16 հունվարի, ԱՐՑԱԽՊՐԵՍ: Այս մասին Financial Times պարբերականի հետ հարցազրույցում ասել է Գերմանիայի կանցլեր Անգելա Մերկելը, հայտնում է News.am-ը :
«Եվրոպայի հանդեպ ԱՄՆ ուշադրությունը թուլանում է, եւ այդպես է լինելու ցանկացած նախագահի օրոք,- ասել է Մերկելը: - Ուստի Եվրոպայում բոլորս, հատկապես Գերմանիայում, պետք է ավելի մեծ պատասխանատվություն ստանձնենք»:
Նրա խոսքով՝ սա վերաբերում է նաեւ ռազմական ոլորտին, որտեղ Եվրոպան պետք է մեծացնի իր ներուժը եւ մեծացնի պաշտպանական ծախսերը՝ դրա համար ծախսելով ՀՆԱ 2 տոկոսից ավելին, ինչը նախատեսված է ՆԱՏՕ-ի անդամների դաշինքի առաջ ունեցած պարտավորություններով: Մերկելի խոսքով՝ պաշտպանության վրա եվրոպական ծախսերի ներկայիս մակարդակը «ինքնին բավարար չէ»:
«Եթե անհրաժեշտ լինի, Եվրոպան նաեւ պետք է պատրաստ լինի միջամտել արտասահմանում հակամարտությունների կարգավորմանը: Ես նման օրինակ եմ համարում Աֆրիկան»,- ասել է Մերկելը՝ հիշեցնելով Բունդեսվերի մասնակցությունը Աֆղանստանում, Մալիում, Սենեգալում եւ Սոմալիում միջազգային առաքելություններին:
Ընդ որում՝ կանցլերը շեշտել է, որ Եվրոպայի ու ԱՄՆ համագործակցությունը կշարունակվի եւ մեծ նշանակություն կունենա «հատկապես հիմնարար հարցերի լուծման ոլորտում, որոնք վերաբերում են համաշխարհային արժեքներին ու շահերին»: Նրա խոսքով՝ համաշխարհային քաղաքականությունում Գերմանիայի եւ Եվրոպայի հաջողության գրավականն է լինելու ԵՄ միասնությունը, քանի որ «Գերմանիան չափազանց փոքր է, որպեսզի աշխարհում ինքնուրույն զգալի աշխարհաքաղաքական ազդեցություն գործի»:
Նա նաեւ հայտարարել է մեծացող տնտեսական մրցակցության ֆոնին Արեւմուտքի երկրների եւ Չինաստանի միջեւ առեւտրային կոնֆլիկտների անցանկալիության մասին, քանի որ «Չինաստանի մեկուսացումը լուծում չէ»:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -37-:

     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախցիների համար ՀՀ կառավարության աջակցության ծրագրերում տեղի են ունեցել փոփոխություններ

Ստեփանակերտում հնչած կրակոցների հեղինակն արցախցիներ են. նրանք ձերբակալվել են

Տեղահանված արցախցիներին տրամադրելու համար շուրջ 700 առանձնատուն կվերանորոգվի

Կառավարությունը սկսում է տեղահանված ընտանիքներին բնակելի տներով ապահովելու ծրագրի առաջին փուլը

Արցախի պետական ծառայողական թանկարժեք մեքենաները բաց աճուրդի կդրվեն. Արտակ Բեգլարյան

Ադրբեջանը թույլ չի տալիս Շուշիից հանել 1500–ից ավելի արվեստի գործերն ու բացառիկ նմուշները

Ստեփանակերտում քիչ առաջ լսված երկու պայթյունները պայմանավորված էին ականազերծման աշխատանքներով

Հակառակորդի կողմից արձակված կրակոցից ՊԲ զինծառայող է վիրավորվել

Արտակ Բեգլարյանը մեկնաբանել է պատերազմի ժամանակ Հանրապետությունից բացակայած պաշտոնյաներին աշխատանքից ազատելու հարցը

Search