Artsakhpress

Քաղաքական

Կենտրոնական ընտրական հանձնաժողովը նորմատիվ որոշումներ է ընդունել

Այսօր՝ հունվարի 15-ին, կայացել է 2020 թվականի հունվարի 1-ին գործողության մեջ դրված ԱՀ ընտրական օրենսգրքի պահանջներից բխող նորմատիվ որոշումների նախագծերի քննարկման մասին Արցախի Հանրապետության Կենտրոնական ընտրական հանձնաժողովի հերթական նիստը:

Կենտրոնական ընտրական հանձնաժողովը նորմատիվ որոշումներ է ընդունել

Կենտրոնական ընտրական հանձնաժողովը նորմատիվ որոշումներ է ընդունել

ՍՏԵՓԱՆԱԿԵՐՏ, 15 հունվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ նիստի ընթացքում կենտրոնական ընտրական հանձնաժողովի նախագահ Սրբուհի Արզումանյանի ներկայացմամբ հանձնաժողովականների քննարկմանն են առաջարկվել 2020թ. հունվարի 1-ից գործության մեջ դրված ԱՀ ընտրական օրենսգրքից բխող նորմատիվ բնույթի շուրջ 6 տասնյակ իրավական ակտերի նախագծեր, որոնք, համաձայն ընտրական օրենգրքի 141-րդ հոդվածի 4-րդ մասի, պետք է ընդունվեն մինչև սույն թվականի հունվարի 31-ը:

Սրբուհի Արզումանյանն նշել է, որ 2019թ. դեկտեմբերի 11-ին ԱՀ կենտրոնական ընտրական հանձնաժողովի մի շարք որոշումների նախագծեր ներկայացվել են հանրային կարծիքի, իսկ 2020թ. հունվարի 13-ին ԿԸՀ-ում կազմակերպվել են բաց քննարկումներ լրացուցիչ պարզաբանում պահանջող որոշ նախագծերի շուրջ և քանի որ խնդիրներ առաջանալու հավակնություններ կային, ուստի անհրաժեշտ էր կազմակերպել լրացուցիչ քննարկում:

«Մենք համապետական ընտրությունների նախաշեմին ենք և բնականաբար անհրաժեշտություն կա, որ առանձին նորմատիվ իրավական ակտերի վերաբերյալ հետագայում առավել մանրակրկիթ պարզաբանումներ լինեն: Պլանավորում ենք համապետական ընտրությունների մեկնարկը տալուց հետո անպայմանորեն հանրային լայն լսարանի համար քննարկման առարկա դարձնել ցանկացած խնդրահարույց հարց, որը մեր կարծիքով անհրաժեշտ կհամարվի դարձնել բազմակողմանի քննարկման թեմա:

Ընտրական նոր օրենսգրքի համաձայն անհրաժեշտություն կար նաև լրիվությամբ վերանայելու գործող գերատեսչական նորմատիվ իրավական ակտերը: Իհարկե դրանց մի մասն իր ֆունկցիոնալությունը չի կորցրել և կիրառելի կլինի նաև այս համապետական ընտրությունների ժամանակ, իսկ մի մասն էլ իրենց հետ նորույթներ են բերել»,-մասնավորապես ասել է նա:

ԿԸՀ-ն նիստի ընթացքում ընդունեց համապետական և ՏԻՄ տարբեր ընտրությունների դեպքում ընտրության մասնակիցների (թեկնածուներ, վստահված անձինք, դիտորդներ, զանգվածային լրատվամիջոցների ներկայացուցիչներ, ընտրական հանձնաժողովականներ, ընտրողներ` նրանց թվում սահմանափակ ֆիզիկական հնարավորություններ, ինչպես նաև քվեարկությանը մասնակցելու դժվարություններ ունեցողներ) իրավունքներին ու պարտականություններին, ընտրական մի շարք նոր փաստաթղթերի ձևերի սահմանմանը և գործող ձևաթղթերի պարզեցմանը վերաբերվող որոշումներ: Ընդունված որոշումներին մանրամասնորեն անդրադարձ կկատարվի ԱՀ արդարադատության նախարարության կողմից դրանց պաշտոնական գրանցումից հետո:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախկին վարչապետն արձագանքել է Նիկոլ Փաշինյանին

Բանակի օրվա առիթով Սուրբ Պատարագ և պարգևաբաշխություն Մայր Աթոռ Սուրբ Էջմիածնում

Թուրքիայում ուժեղ երկրաշարժի տեսանյութը հայտնվել է համացանցում

Կամո Վարդանյանը նշանակվել է ՀՀ ԶՈւ ԳՇ հետախուզության գլխավոր վարչության պետի տեղակալ

Ռուսաստանում կինն ընկել է 9-րդ հարկից, վեր է կացել եւ գնացել. տեսանյութ

ՀՀ առողջապահության նախարարությունը նոր կորոնավիրուսով վարակը կանխելու խորհուրդներ է ներկայացնում

Փաշինյանն Արցախի նախագահի թեկնածուներին ուղղված կոչով հանդես եկավ

«Մոր և մանկան առողջության պահպանման կենտրոն»-ում գրանցված է արտամարմնային բեղմնավորման կարիք ունեցող 86 զույգ. նախարար

Մարտակերտում հրդեհաշիջման աշխատանքների ժամանակ հայտնաբերվել է տարեց տանտիրոջ դին

Search