ՍՏԵՓԱՆԱԿԵՐՏ, 9 հունվարի, ԱՐՑԱԽՊՐԵՍ: «Կանխատեսվում է, որ գլոբալ տնտեսական աճը 2020 թվականին կհասնի 2,5 տոկոսի, քանի որ ներդրումները եւ առեւտուրը աստիճանաբար վերականգնվում են անցյալ տարվա զգալի թուլացումից հետո, բայց աճի տեմպերի նվազման ռիսկերը պահպանվում են»,- նշված է ՀԲ մամուլի հաղորդագրության մեջ, հայտնում է News.am-ը:

Սպասվում է, որ զարգացած տնտեսությամբ երկրների շրջանում 2020 թվականին աճն ընդհանուր առմամբ կնվազի մինչեւ 1,4 տոկոս՝ մասամբ «վերամշակող արդյունաբերության մեջ շարունակվող թուլության» պատճառով, իսկ ձեւավորվող շուկայով եւ զարգացող տնտեսություններով երկրների շրջանում այս տարի աճը կարագանա մինչեւ 4,1 տոկոս:

ՀԲ կանխատեսումներով՝ ԱՄՆ տնտեսության աճն այս տարի կդանդաղի մինչեւ 1,8 տոկոս, ինչն արտացոլում է սակագների նախորդ բարձրացումների եւ մեծ անորոշության բացասական ազդեցությունը:

Եվրոգոտու աճը 2020 թվականին կնվազի մինչեւ վերանայված նվազման 1 տոկոսի՝ արդունաբերական թույլ ակտիվության ֆոնին:

Դրանից բացի, ՀԲ մասնագետները կանխատեսում են 2020 թվականին Չինաստանում «հետագա չափավոր նվազում» մինչեւ 5,9 տոկոս՝ մի շարք արտաքին ու ներքին խնդիրների ֆոնին, ներառյալ առեւտրային լարվածության շարունակվող ազդեցությունը: Ասիա-Խաղաղօվկիանոսյան երկրներում տարածաշրջանային աճը, առանց Չինաստանը հաշվի առնելու, ըստ կանխատեսումների, մի փոքր կվերականգնվի՝ մինչեւ 4,9 տոկոս: