Հայկական արմատներով ամերիկացի գործարար Միքայել Իսրայելյանը ձեռք է բերել ռուսալեզու RTVI միջազգային հեռուստաալիքի մեծ մասնաբաժինը, այս մասին հաղորդել է Նյու Յորքում հեռարձակվող հեռուստաալիքը:
Հայազգի գործարարը ձեռք է բերել Նյու Յորքում հեռարձակվող ռուսալեզու RTVI հեռուստաալիքը և մտադիր է ընդլայնել այն ԱՄՆ-ում
ՍՏԵՓԱՆԱԿԵՐՏ, 18 դեկտեմբերի, ԱՐՑԱԽՊՐԵՍ։ Ըստ հեռուստաալիքի մամուլի քարտուղարի՝ այս վաճառքն առաջինն է, երբ Ռուսաստանի սահմաններից դուրս գործող ռուսալեզու հեռուստաալիքը դառնում է արտասահմանցի բաժնետիրոջ մաժորիտար սեփականությունը, փոխանցում է tert.am-ը:
Հաղորդվում է, որ հեռուստաալիքը 2012 թ.-ից պատկանում է Ռուսլան Սոկոլովին, իսկ Իսրայելյանը, ով գործունություն է ծավալուն ժամանցային ոլորտում և «Muse Lifestyle Group» -ի գործադիր տնօրենն է, ամբողջությամբ գնել է վերջինիս պատկանող բաժնեմասերը:
RTVI-ն ռուսերեն հեռարձակում է ապահովում ավելի քան 50 երկրում, այդ թվում՝ ԱՄՆ-ում: Հեռուստաալիքը հաղորդել է, որ ծրագրում է ներկայացվածություն ունենալ նաև ԱՄՆ Վաշինգտոն և Կալիֆորնիա նահանգներում՝ հատուկ ուշադրություն դարձնելով ռուսական համայնքների համար նախատեսված նախագծերին:
Հայազգի գործարարի հայտարարությունում նշվում է, որ «այժմ Միացյալ Նահանգներում բնակվում է ռուսալեզու մոտ 7 միլիոն մարդ, որոնք հետաքրքրված են իրենց մայրենի լեզվով որակյալ կոնտենտ ունենալով»:
«Ես Արևմտյան ափում բիզնեսի հետագա զարգացման հնարավորություն եմ տեսնում հեռուստադիտողների նոր սերնդին ներգրավելու համար, որոնք ձգտում են պահպանել ռուսական մշակույթի հետ կապը»,- ասել է Իսրայելյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -14-:
