Գերմանիայի կանցլեր Անգելա Մերկելը խոստովանել է, որ ամոթ է զգում ֆաշիստների կողմից իրագործված հանցանքների համար:
Մեծ ամոթ եմ զգում. Մերկելը` Օսվենցիմում
ՍՏԵՓԱՆԱԿԵՐՏ, 6 դեկտեմբերի, ԱՐՑԱԽՊՐԵՍ։ SHANTNEWS.am-ի փոխանցմամբ, այս մասին նա հայտարարել է նախկին համակենտրոնացման ճամբարում` Օսվենցիմում կառուցված թանգարանում:
«Կանգնել այստեղ որպես կանցլեր և ելույթ ունենալ, այնքան էլ հեշտ չէ: Մեծ ամոթ եմ զգում՝ հաշվի առնելով այն դաժան հանցագործությունները, որ կատարվել են այստեղ գերմանացիների կողմից»,- ասել է Մերկելը:
Մերկելի խոսքերով՝ Օսվենցիմն այն վայրն է, որը մարդկության դեմ իրագործված մեծագույն ոճիրներից մեկի խորհրդանիշն է:
«Պետք է հիշենք այն հանցագործությունները, որ կատարվել են այստեղ»,- ասել է նա:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -45-:
