Artsakhpress

Մշակույթ

Պատմամշակութային ոլորտի համար պետբյուջեից կհատկացվի շուրջ 122 միլիոն դրամ

Պատմամշակութային ոլորտի համար 2020 թվականի պետական բյուջեի նախագծով նախատեսվել է 122 միլիոն դրամ:

Պատմամշակութային ոլորտի համար պետբյուջեից կհատկացվի շուրջ 122 միլիոն դրամ

Պատմամշակութային ոլորտի համար պետբյուջեից կհատկացվի շուրջ 122 միլիոն դրամ

ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին ԱԺ գիտության, կրթության, մշակույթի, երիտասարդության և սպորտի հարցերի ու ֆինանսաբյուջետային և տնտեսական կառավարման հարցերի մշտական հանձնաժողովների համատեղ նիստին ասել է ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը:

Նախարարի խոսքով՝ ոլորտի կարգավորման և զարգացման համար պետական բյուջեով նախատեսված ֆինանսավորման հիմնական նպատակն է Արցախում պահպանված պատմամշակութային հուշարձանների ուսումնասիրումը և պահպանումը՝ վկայագրման, պահպանական գոտիների կազմման, օրենսդրական դաշտի կատարելագործման,հուշարձանների տարածքների մաքրման և հանրահռչակման միջոցով:

2020 թվականին Գտչավանքի վանական համալիրի տարածքում նախատեսվում են աշխատանքներ իրականացնել եկեղեցու ներսի պատերի վրա: Վերջիններիս վրա առկա են բազմաթիվ փորագրություններ, որն, ըստ նախարարի, արվել է հուշարձանի անբարեխիղճ այցելուների կողմից: Շուշիի շրջանի Հունոտի քարե կամրջի վերականգնման աշխատանքների իրականացմամբ նախատեսվում է շարունակել 2019 թ.-ին մեկնարկած կամրջի վերականգնման աշխատանքները: Ասկերանի ամրոցի օգտագործման, տարածքի բարեկարգման և երկայնական պատերի վերականգնման աշխատանքները հիմնականում կիրականացվեն երկայնական պատերի վերականգնման ուղղությամբ: Շուշիի պարսպապատերի և աշտարակների վերականգնման աշխատանքների իրականացման անհրաժեշտությունը կապված է Շուշիի պարսպապատերի աշտարակներից մեկի վթարային վիճակի հետ: Հուշարձանների տարածքների բարեկարգման և կազմակերպման աշխատանքներ նախատեսվում է իրականացնել Մարտակերտի շրջանի Վանք գյուղի տարածքում գտնվող «Վահան Բեյ» կոչվող կամրջի ամրակայման և վերականգնման աշխատանքներ ու Շուշի քաղաքի Գարեգին Նժդեհ և Զորավար Անդրանիկ փողոցների խաչմերուկում գտնվող նախկին թեմական դպրոցի վթարային պատի քանդման և վերաշարման աշխատանքները: Հուշարձանների գիտավերականգնողական նախագծա-նախահաշվային փաստաթղթերի մշակման աշխատանքների իրականացման համար 2020 թ.-ին նախատեսվում է 14 միլիոն դրամ: Հովանավորների միջոցներով Ծակուռի գյուղի Ծաղկավանք եկեղեցու վերականգնման աշխատանքների տեխնիկական հսկողության և հեղինակային հսկողության աշխատանքները ևս ֆինանսավորվելու են պետական բյուջեի միջոցներով:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -61-:


     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Արցախում ստեղծվել է նոր կուսակցություն. կայացել է հիմնադիր համագումարը

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

Արցախի քաղաքացի հանդիսացող վարորդների վրա բալային համակարգն առայժմ չի կիրառվի

Այսօր Կրկժանի ազատագրման 28-ամյակն է. պարգևատրվել են մի խումբ ազատամարտիկներ

Կամո Վարդանյանը նշանակվել է ՀՀ ԶՈւ ԳՇ հետախուզության գլխավոր վարչության պետի տեղակալ

Նախագահի խորհրդականը` զինծառայողների՝ հեռախոս ունենալու և օգտագործելու կարգի մասին

Ռուսաստանում կինն ընկել է 9-րդ հարկից, վեր է կացել եւ գնացել. տեսանյութ

Մարտակերտում հրդեհաշիջման աշխատանքների ժամանակ հայտնաբերվել է տարեց տանտիրոջ դին

Երկու զինծառայող է վիրավորվել. Արծրուն Հովհաննիսյան

Search