Երևան քաղաքի նախկին ոստիկանապետ, ոստիկանության գեներալ-մայոր Աշոտ Կարապետյանի դին հայտնաբերվել է Պյատիգորսկում` «Սյուրպրիզ» գարեջրատան շենքներից մեկի փլատակների տակ։
Երևանի նախկին ոստիկանապետը Պյատիգորսկում մահացել է մորեղբոր հետ. դեպքի մանրամասները
ՍՏԵՓԱՆԱԿԵՐՏ, 28 նոյեմբերի, ԱՐՑԱԽՊՐԵՍ։ Այս մասին Sputnik Արմենիայի թղթակցի հետ զրույցում հայտնել է գարեջրատան աշխատակցուհին։
Դեպքը տեղի է ունեցել այսօր առավոտյան, ժամը 7–ին։ Շենքը փլուզվել է գազի պայթյունի հետևանքով։ Կարապետյանի դին հաջողվել է հանել փլատակների տակից միայն ժամը 14:00–ին։ Աղբյուրի տվյալների համաձայն` փլատակների տակ հայտնաբերվել է նաև Կարապետյանի մորեղբոր` 60–ամյա Տիգրան Թարփոշյանի դին։
«Փլատակների տակից հանել են ընկերության երկու ղեկավարների` գլխավոր տնօրեն Աշոտ Մամիկոնի Կարապետյանի ու տնօրեն Տիգրան Պարույրի Թարփոշյանի դիերը։ Նրանք վարչական շենքում էին, բուն գարեջրատունը չի տուժել։ Գազի արտահոսքի պատճառով տեղի ունեցած պայթյունը տեղի է ունեցել առավոտյան ժամը 7–ին։ Այդ ժամին ես ու գարեջրատան մյուս աշխատակիցները տանն էինք», – ասել է աշխատակցուհին։
Տիգրան Թարփոշյանը Սևանի «Լիխնիտիս» գարեջրի գործարանի նախկին ղեկավարն էր։ Այս պահին «Լիխնիտիսի» տնօրենը Աշոտ Կարապետյանի ավագ եղբայր Վարդան Կարապետյանն է։
Աշոտ Կարապետյանը 49 տարեկան էր, նա 1993 թվականից աշխատում էր ոստիկանության համակարգում։ Երևանի ոստիկանապետն է եղել 2015 – 2016 թվականներին։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -56-:
