ՍՏԵՓԱՆԱԿԵՐՏ, 21 նոյեմբերի, ԱՐՑԱԽՊՐԵՍ։ ԱՀ  նախահի  հետ  հանդիպումից  հետո  այս  մասին  «Արցախպրես»-ի  թղթակցի  հետ  զրույցում  ասել  է  ՀՀ արտաքին գործերի նախարարությանն առընթեր դիվանագիտական դպրոցի  ռեկտոր Վահե Գաբրիելյանը՝  նշելով, որ  այս  անգամ  Արցախ  են  այցելել      ծառայության   մեջ    գտնվող    մի  խումբ      երիտասարդ   դիվանագետներ:

«Մեր  ուսումնական   ծրագրերում   շատ  կարևոր  է  Արցախ   այցելելը, որովհետև  արցախյան  հիմնախնդիրը     մեր  արտաքին  քաղաքականության   առաջնահերթությունն  է: Իմ  կարծիքով՝    բոլոր դիվանագետները   պետք  է   այցելեն   Արցախ, որպեսզի   տեղում     հասկանան   իրողությունը, խնդիրները  և   մարտահրավերները: Այս  այցի     ընթացքում   հանդիպումներ   ենք  ունեցել   ԱՀ  պետական   մի  շարք  պաշտոնյաների  հետ,   ինչպես  նաև   այցելել    ենք    զորամասեր, թանգարաններ,   արտադրական  ձեռնարկություններ,   ծանոթացել  մշակութային  պատմական     հուշարձանների  և  տնտեսական  ենթակառուցվածքների: Այս  ամենը  հնարավորություն  կտա  դիվանագիտական դպրոցի ներկայացուցիչներին, որպեսզի  համակողմանի  պատկերացում  ունենան Արցախի  մասին»,-մասնավորապես  ասել  է   Վ. Գաբրիելյանը:

ՀՀ  արտաքին   գործերի  նախարարության    դիվանագետ     Հայկ  Թորոսյանը  մեզ  հետ  զրույցում  ասել է, որ   այցի   ընթացքում    իրենք  կարողացել  են    ծանոթանալ  Արցախի    ու  արցախցիների  հետ:

«ԱՀ  նախագահի   հետ  հանդիպմանը     մեզ  հնարավորություն  է  տրվել, որպեսզի  մի  շարք    հարցեր առաջադրենք, որոնց  պատասխաններն  անհրաժեշտ  է   մեզ՝   դիվանագետներիս: Այս  հանդիպումները  շատ  կարևոր  են  մեր   հետագա  գործունեության  մեջ: Մենք   պետք  է      մշտապես   ուշադրության կենտրոնում պահենք  Արցախի  անվտանգության  և       անկախության  հարցերը»,-նշել  է  Հ. Թորոսյանը:

Դիվանագետ   Արաքսյա   Բաբիկյանի  խոսքով՝      ՀՀ  արտաքին   գործերի  նախարարության    առընթեր    դիվանագիտական   դպրոցը   սաներ  է  ունեցել      նաև   Արցախից:

Թե  ինչքանով  է  Արցախի  վերաբերյալ  թեմաներն  ուսուսցանվում    դիվանագիտական  դպրոցում, Ա. Բաբիկյանը  պատասխանել է.    «Կան  առանձին    առարկաներ, ինչպիսիք  են  հակամարտությունների  կարգավորում, անվտանգային  հարցեր,   (չնայած  դրանք  դասավանդում են  օտարերկրյա  դասախոսներ), որոնց  շրջանակներում առնչվում են  Արցախին: Բացի     դրանից    ՀՀ  ԱԳ  նախարարը, ինչպես նաև   համապատասխան  պաշտոնյաններ    գալիս,   և  դասախոսում  են     Արցախի  վերաբերյալ  թեմաներ: Կազմակերպում  ենք  նաև 5-օրյա   ուսումնական  այցեր  դեպի   Արցախ:   Այդ  ամենը  նպաստում  է, որպեսզի պատկերացում  ունենանք   Արցախի   խնդիրների    մասին,     և      ինքներս    զգանք  թե    ինչի  համար  ենք  պայքարում»:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -51-: