Artsakhpress

Հասարակական

Հունիս-սեպտեմբեր ամիսներին զբոսաշրջիկների 35.4 %-ն ԱՀ են ժամանել մարզական, մշակութային միջոցառումներին մասնակցելու համար. պատասխանատու

2019 թվականի հունիս-սեպտեմբեր ամիսներին ԱՀ ազգային վիճակագրական ծառայության կողմից անց է կացվել զբոսաշրջության ընտրանքային հետազոտություն:

Հունիս-սեպտեմբեր ամիսներին զբոսաշրջիկների 35.4 %-ն ԱՀ են ժամանել մարզական, մշակութային միջոցառումներին մասնակցելու համար. պատասխանատու

Հունիս-սեպտեմբեր ամիսներին  զբոսաշրջիկների  35.4 %-ն ԱՀ են ժամանել մարզական, մշակութային միջոցառումներին մասնակցելու  համար. պատասխանատու
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ։ Այս  մասին  «Արցախպրես»-ի  թղթակցի  հետ   զրույցում  ասել  է   ԱՀ  վիճակագրական պետական խորհրդի անդամ Սուսաննա  Հարությունյանը:
Նրա  խոսքով՝   հարցազրուցավարների կողմից լրացվել է 305 ժամանողների  և  393  մեկնողների հարցաթերթ:
«Զբոսաշրջիկներն  ԱՀ են այցելել աշխարհի 41 երկրներից: Մեկնողների 69.7 %-ն  ունի հայկական ծագում: Հարցմանը մասնակցած մեկնողների 29.5 %-ն  ունեն  Ռուսաստանի  Դաշնության, 27.2 %-ը` ՀՀ, 6.9 %-ը` ԱՄՆ-ի, 4.3 %-ը` Իտալիայի քաղաքացիություն:   Հարցման ժամանակ պարզվել է, որ մեկնողների 46.6 %-ը կամ 183 զբոսաշրջիկ նախկինում ընդհանրապես չեն այցելել Արցախ: Հարցման մասնակիցների մեծամասնությունը` 53.4 %-ը  կամ 210 զբոսաշրջիկ, նախկինում այցելել են Արցախ, ընդ որում` դրանց գերակշիռ մասը` 49  %-ն  այցելել են երեք և ավելի անգամ: Հունիս-սեպտեմբեր ամիսներին Արցախի  հանրապետության մի  շարք   քաղաքացիներ,      որպես  զբոսաշրջիկ  մեկնել   են  աշխարհի 18  երկրներ. Ամենաշատն  այցելել են  ՀՀ-ն, Վրաստան,  ՌԴ-ն    և  Եգիպտոս: Հարցմանը մասնակցած 393 մեկնողներից 267-ը կամ 67.9 տոկոսը կազմել են տղամարդիկ, իսկ 126-ը  կամ 32.1 %-ը` կանայք: Հարցմանը մասնակցած 305 ժամանողներից 48.2 %-ը կազմել են տղամարդիկ, իսկ 51.8 տոկոսը` կանայք»,-մասնավորապես  ասել  է   Ս. Հարությունյանը:
Մեր  զրուցակիցը  նշել է, որ   ըստ հետազոտության արդյունքների՝ զբոսաշրջիկների  35.4 %-ն ԱՀ են ժամանել մարզական, մշակութային միջոցառումներին մասնակցելու, 28  %-ը` հանգստի և ժամանցի, 23.9 %-ը` հարազատներին և ընկերներին այցելելու նպատակներով:
«Արցախն ընտրելու հիմնական պատճառի վերաբերյալ հարցադրմանը մեկնողների 29.6 %-ը նշել է «մշակույթ/պատմություն» պատասխանը, իսկ 31.1 %-ը՝ բնությունը/տեսարժան վայրերը: «Այլ» պատասխան ընտրածների մեծամասնությունը այցելել է Արցախ հարազատներին և ընկերներին տեսակցելու և իրենց հարազատ հանգրվանում հանգստանալու նպատակով: Ըստ ամփոփված տվյալների, մեկնողների 57.5 տոկոսը ու ժամանողների 45.6  %-ը մնացել են հյուրանոցում, համապատասխանաբար, 29.5  %-ը ու 36.7  %-ը` բարեկամի կամ ընկերոջ տան: Մեկ զբոսաշրջիկը ԱՀ-ում գիշերել է միջին հաշվով 6 օր:, այլ երկրներում` 9 օր: Հետազոտությամբ պարզվեց նաև Արցախում տեսարժան վայրեր այցելածների թիվը և այնտեղ գիշերելու օրերի քանակը: ԱՀ այցելածների 90.8 տոկոսը այցելել են Ստեփանակերտ, 74.6 տոկոսը` Շուշի և 55.7 տոկոսը` Գանձասար: Հետազոտության  արդյունքներով՝   ԱՀ այցելած մեկ զբոսաշրջիկը միջին հաշվով ծախսել է 102  հազար  646.4 դրամ, իսկ այլ երկրներ մեկնած զբոսաշրջիկը`55  հազար  228.2 դրամ: Մեկնողների մոտ 90.8 տոկոսը պատասխանել է, որ հնարավոր է, որ հաջորդ տարիներին ևս այցելի Արցախ»,-մանրամասնել է  Ս.   Հարությունյանը:
 
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -35-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Աննա Հակոբյանը Մեհրիբան Ալիևային հրավիրել է Արցախ

Արմեն Սարգսյանը ցավակցական հեռագիր է հղել Վլադիմիր Պուտինին

Արցախում ոչխարաբուծության զարգացման համար խոշորածավալ ներդրումների ծրագրի հաջող մեկնարկը տրված է. Արայիկ Հարությունյան (տեսանյութ)

ԱրՊՀ-ի թիմը մասնակցել է ծրագրավորման միջազգային օլիմպիադայի կիսաեզրափակիչ փուլին. թիմի անդամներին դահլիճից դուրս են հրավիրել

Ստեփանակերտի որոշ փողոցներում ժամանակավորապես կդադարեցվի գազամատակարարումը

Search