ՍՏԵՓԱՆԱԿԵՐՏ, 18 նոյեմբերի, ԱՐՑԱԽՊՐԵՍ:  Այս մասին «Արցախպրես»-ի  թղթակցի  հետ  զրույցում  ասել է  ԱՀ  գյուղատնտեսության  փոխնախարար  Վիլեն  Ավետիսյանը՝  նշելով, որ  ներկայումս բերքահավաք  է  իրականացվել  794  հա-ի  վրա:

Վ.  Ավետիսյանի  խոսքով՝  համախառը  բերքը  կազմել  է  4890  տ.  միջին   բերքատվությունը  1   հա-ից    կազմել  է   61,6 ց:

«Նախորդ  տարի   նույն  ժամանակահատվածում  ունեցել  ենք          բերքահավաք   743  հա-ի  վրա.  համախառը  բերքը  եղել  է  2470  տ,   իսկ   միջին    բերքատվությունը   հա-ից  կազմել  է   33,3  ց:  Այս  տարի  ունեցել  ենք  նռան   լավ  բերք. ունենք   մեծ   պահանջարկ: Ընթացիկ  տարում   նռան  միջին   գինը  շուկայում   եղել  է  200-300   դրամ, իսկ  վերամշակող  գործարաններն այն գնել  են 100-150 դրամով: Նուռը  նաև   արտահանում  ենք  Ռուսատանի  Դաշնություն»,-ավելացրել  է  Վ. Ավետիսյանը:

Նրա  խոսքով՝  ԱՀ գյուղատնտեսության զարգացման հայեցակարգով         նախատեսված  է   նռան  այգիներն առաջիկա  տարիներին   հասցնել   5000  հա-ի: 2019  թվականի  գարնանը    հանրապետությունում     հիմնվել  է   շուրջ     500   հա  նռան  այգի: ԱՀ  գյուղատնտեսության  նախարարության  ստացած  հայտերի  հիման   վրա՝  նախատեսվում  է   մինչև  տարվա  վերջ   հիմնել 200-300  հա   նռան   այգի   ևս. հողօգտագործողներին   տրամադրվում    է    նռան  տնկիներ: