Հունվար-սեպտեմբեր ամիսներին մշտական կամ ժամանակավոր աշխատանքի է տեղավորվել 102 աշխատանք փնտրող անձ. նախարար
Նախօրեին կայացած ԱՀ կառավարության նիստին ԱՀ աշխատանիք, սոցիալական հարցերի և վերաբնակեցման նախարար Սամվել Ավանեսյանը ներկայացրել է «Արցախի հանրապետության զբաղվածության կարգավորման 2020 թվականի պետական ծրագրին և ծրագրով նախատեսված միջոցառումների ցանկին հավանություն տալու մասին» ԱՀ կառավարության որոշման նախագիծը:
Հունվար-սեպտեմբեր ամիսներին մշտական կամ ժամանակավոր աշխատանքի է տեղավորվել 102 աշխատանք փնտրող անձ. նախարար
ՍՏԵՓԱՆԱԿԵՐՏ, 16 նոյեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ Ս. Ավանեսյանն ասել է, որ զբաղվածության կարգավորման 2019 թվականի ծրագրի շրջանակներում իրականացվում են մի շարք զբաղվածության պետական ծրագրերը:
Նախարարը մասնավորապես առանձնացրել է՝ գործազուրկների և աշխատանքից ազատման ռիսկ ունեցող աշխատանք փնտրող անձանց մասնագիտական ուսուցման կազմակերպում, աշխատաշուկայում անմրցունակ անձանց աշխատանքի տեղավորման դեպքում գործատուին աշխատավարձի մասնակի և հաշմանդամություն ունեցող անձին ուղեկցողի համար աշխատավարձի փոխհատուցման տրամադրում, ձեռք բերած մասնագիտությամբ մասնագիտական աշխատանքային փորձ ձեռք բերելու համար գործազուրկներին աջակցության տրամադրում, աշխատաշուկայում անմրցունակ անձանց աշխատանքի տեղավորման դեպքում գործատուին միանվագ փոխհատուցման տրամադրում, աշխատանքի տոնավաճառի կազմակերպում, վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովում և սեզոնային զբաղվածության խթանման միջոցով գյուղացիական տնտեսությանն աջակցության տրամադրման ծրագրերը:
«Պետական ծրագրի նպատակը բնակչության զբաղվածության ապահովման համար պայմանների ստեղծումն է, որն ուղղված է աշխատաշուկայի լարվածությունը մեղմելուն, զբաղվածության ակտիվ ծրագրերի միջոցով աշխատաշուկայում անմրցունակ անձանց` ըստ առաջնահերթությունների, զբաղվածության և ինքնազբաղվածության խթանմանը, աշխատանք փնտրողների՝ հատկապես, հաշմանդամություն ունեցող անձանց, երիտասարդների զբաղվածության մակարդակի բարձրացմանը, գործատուների կողմից ներկայացված թափուր աշխատատեղերը որակյալ մասնագետներով համալրելուն ու աշխատաշուկայում անմրցունակ ճանաչված գործազուրկների արդյունավետ զբաղվածության ապահովմանը: Նախագծի ընդունմամբ ակնկալվում է բարձրացնել բնակչության զբաղվածության մակարդակը, ապահովել զբաղվածության պետական ծրագրերում ընդգրկվող անձանց թվաքանակի, ինչպես նաև գործատուներից ստացված և հավաքագրված թափուր աշխատատեղերի թվի աճը»,-մասնավորապես ասել է նախարարը՝ նշելով, որ պետական ծրագրում ընդգրկված են 16-63 տարիքային խմբի բնակչության զբաղվածության ոլորտի հիմնական ցուցանիշները:
Ըստ Ս. Ավանեսյանի՝ ԱՀ աշխատանքի, սոցիալական հարցերի և վերաբնակեցման նախարարության աշխատանքի և զբաղվածության գործակալությունում 2018 թվականի տվյալներով գրանցված է 1518 քաղաքացի, որը 2017 թվականի համեմատ աճել է 101-սվ:
«Ընթացիկ տարվա հունվար-սեպտեմբեր ամիսներին գործակալությունը համագործակցել է 711 գործատուների հետ, որի արդյունքում ստացվել են 525 թափուր աշխատատեղերի մասով տվյալներ: Աշխատանքի տեղավորման նպատակով հաշվետու ժամանակաշրջանում գործակալությունում հաշվառված աշխատանք փնտրող անձինք ուղեգրվել են գործատուների մոտ, որի արդյունքում գործակալության միջնորդությամբ մշտական կամ ժամանակավոր աշխատանքի են տեղավորվել 102 աշխատանք փնտրող անձ և գործազուրկ, որոնցից 26-ը՝ զբաղվածության ոլորտի ակտիվ ծրագրերի շրջանակներում»,-տեղեկացրել է նախարարը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -21-: