Artsakhpress

Միջազգային

Վենետիկում սպասվում է հեղեղումների նոր ալիք

Ծովի մակարդակի նոր բարձրացում՝ մինչեւ 125 սանտիմետր, սպասվում է Վենետիկի շրջանում, ինչը նորից կհանգեցնի նրան, որ քաղաքը մասնակի ջրասույզ կլինի։

Վենետիկում սպասվում է հեղեղումների նոր ալիք

Վենետիկում սպասվում է հեղեղումների նոր ալիք
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: Այս մասին տեղեկացրել է Իտալիայի Քաղաքացիական պաշտպանության դեպարտամենտի տեղեկատվության ծառայությունը, փոխանցում է news.am-ը։
Վերջին հիսուն տարում ծովի առավելագույն՝ 187 սանտիմետր բարձրանալուց հետո, ինչը չորեքշաբթի հանգեցրել է Վենետիկի տարածքի 80 տոկոսի «բարձր ջրի» տակ հայտնվելուն, ներառյալ Սուրբ Մարկոս տաճարը, մակարդակն իջել է մինչեւ անվտանգ 80 սանտիմետր։ Բայց 1966-ից ի վեր ամենախոշոր հեղեղումների հետեւանքները վերացված չեն։ Փակ են մնում բազմաթիվ դպրոցներ, թանգարանների եւ հասարակական հաստատությունների մեծ մասը։
Ինչպես հայտարարել է Իտալիայի՝ Վենետիկ ժամանած վարչապետ Ջուզեպե Կոնտեն, օրվա ընթացքում տեղի կունենա կառավարության նիստ, որտեղ կհայտարարվի արտակարգ դրության ռեժիմ բնական աղետի պատճառով։ «Մենք անմիջապես դեկրետ կընդունենք քաղաքացիների կրած վնասները փոխհատուցելու մասին։ Մասնավոր անձանց համար նախատեսված է 5 հազար եվրո, ընկերությունների եւ խանութների համար՝ 20 հազար։ Հետագայում նախատեսվում է դիտարկել այլ դեպքերը եւս եւ գնահատել վնասի չափը հետագա փոխհատուցման համար»,- ասել է վարչապետը հինգշաբթի Վենետիկից Հռոմ մեկնելուց առաջ։
Մշակույթի նախարարության մասնագետները կսկսեն Սուրբ Մարկոս տաճարի վնասի գնահատումը, որտեղ ջրատակ է եղել գաղտնարանը։ Քաղաքի եւ մարզի իշխանությունները խոսում են «բարձր ջրի» հասցրած հարյուր միլիոնավոր եվրոների վնասի մասին, որոշ ԶԼՄ-ներ նշում են 1 մլրդ եվրո։ Վենետիկի բնակիչներին համերաշխություն են հայտնել այլ մարզերի բնակիչները, որոնց ղեկավարներն առաջարկել են օգնություն հեղեղումների հետեւանքների վերացման հարցում։
«Բարձր ջուրը» Վենետիկին բնորոշ երեւույթ է, որն առաջ է գալիս մակընթացությունների եւ լուսնային ցիկլերի հետ կապված եւ խորանում է տարբեր բնական երեւույթներով։ Այս անգամ վերջին հիսուն տարում ծովի ռեկորդային մակարդակի բարձրացումը պայմանավորված է մի ամբողջ շարք գործոնների համադրությամբ, ներառյալ ուժեղ քամին Ադրիատիկից։ Բացի այդ, հյուսիսից Ապենինների վրա շարժվել է հզոր ցիկլոն, որը հանգեցրել է առատ տեղումների։ Քաղաքացիական պաշտպանության դեպարտամենտը հայտարարեց վատ եղանակի մասին նախազգուշացման դեղին (ամենացածր) մակարդակ Վենետոյում, Ֆրիուլի Վենետիկ-Ջուլիայում, Լիգուրիայում, Էմիլի Ռոմանիեում, Մոլիզում եւ Բազիլիկատում, որտեղ սպասվում են անձրեւներ։ Հյուսիսում՝ Դոլոմիտյան Ալպերում, ոչ մեծ բարձրություններում շարունակվում է ձյուն տեղալ։ Ընդհանուր առմամբ, աննպաստ եղանակի պահպանում Ապենիններում կանխատեսվում է առնվազն եւս մեկ շաբաթ։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -53-: 

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Հայտնի են «Տարվա բժիշկ» մրցանակակիրները

«Երբևէ չէի մտածում, որ ստիպված կլինեմ հայրենասիրության թեմայով քննարկում ծավալել դասալիքների հետ». Գագիկ Բաղունցը հայտարարություն է տարածել

Խաղաղապահների վերահսկողության տակ գտնվող ԼՂ տարածքում թուրքական ոչ մի ռազմաբազա չի լինելու. Զատուլին

Բաքուն եւ Անկարան չեն թաքցնում, որ պատրաստվում են շարունակել իրենց զավթողական քաղաքականությունը. Բակո Սահակյան

Մեկնարկում է փոխհատուցման համար ընդունվող դիմումների գործընթացը. փոխնախարար

29 տարի առաջ՝ այս օրը, բռնազավթվեց Արցախի Հանրապետության Շահումյանի շրջանը

Հոսանքազրկվելու են հանրապետության մի շարք համայնքներ. «Արցախէներգո»

«Ոչ մի կտրված վերջույթ չի նետվել, պատվավոր թաղում եմ արել»․ արցախցի բժշկուհու տեսած դժոխքը

ԱՀ նախագահը պարգևատրել է ՀՀ-ում անցկացված առարկայական օլիմպիադաների եզրափակիչ փուլում առաջին կարգի դիպլոմակիր արցախցի աշակերտներին և նրանց ուսուցիչներին

Search