Մարտակերտի շրջանի Ալաշան համայնքում ժամանակավոր բնակություն հաստատած թալիշցիները վերջնականապես տեղափոխվել են Թալիշ:
Թալիշցիները վերադարձել են հայրենի գյուղ. Մարտակերտի շրջվարչակազմի ղեկավար
ՍՏԵՓԱՆԱԿԵՐՏ, 14 նոյեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին այսօր կայացած ԱՀ կառավարության նիստի ժամանակ ասել է Մարտակերտի շրջվարչակազմի ղեկավար Էդգար Հարությունյանը:
Նրա խոսքով՝ ներկայումս Թալիշում ապրում է 46 ընտանիք:
«Դպրոցը է հաճախում 26 աշակերտ: Կա նաև նախադպրոցական տարիքի 8 երեխա: Առաջնային լուծում են ստացել նոր ջրագծի տեղափոխման աշխատանքները, որը կավելացնի ջրի ծավալները: Այս պահի դրությամբ աշխատանքներ են տարվում դպրոցի ջեռուցման մասով: Տեղադրվում են նաև լուսավորման հենասյուները. այսօր կավարտվեն այդ աշխատանքները:
Նշեմ նաև, որ Թալիշի հողատարծքներից 500 հա-ի վրա իրականացվել է հերկ. 250 հա-ի վրա կատարվել է ցանքս, իսկ մյուս մասն էլ կիրականացնեն եղանակների բարելավման դեպքում: ԱՀ գյուղատնտեսության նախարարությունը քաղաքացիների համապատասխան դիմումների հիման վրա, որպես փոխառություն տրամադրել է սերմացուներ, մասնավորապես՝ ցորենի: «Ջրաբերդշին» ընկերության կողմից այս պահին Թալիշ-Մատաղիս ճանապարհահատվածում իրականացվում են բարեկարգման և խճապատման աշխատանքներ: Այդ աշխատանքները կավատվեն երկու օրից, որից հետո Թալիշում կիրականացնենք գյուղմիջյան ճանապարհների բարեկարգում»,-մասնավորապես ասել է Է. Հարությունյանը:
Նա նաև նշել է, որ թալիշցիների բարոյահոգեբանական վիճակը ոգևորիչ է, քանի որ ապրելու, արարելու համար ունեն լիարժեք պայմաններ:
Շրջվարչակազմի ղեկավարը խոսելով խնդիրների մասին՝ առանձնացրել է ուսուցիչների պակասի հարցը, որը քննարկման փուլում է գտնվում համապատասխան մարմինների հետ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -31-:
