ԱՀ նախագահ Բակո Սահակյանի հետ քննարկել ենք Հայաստանի և Արցախի հանրային հեռուստաընկերությունների փոխհամագործակցության վերաբերյալ մի շարք հարցեր, որի ընթացքում ձեռք ենք բերել պայմանավորվածություններ:
Հայաստանի և Արցախի հանրային հեռուստաընկերությունների միջև կստորագրվի հուշագիր. Արա Շիրինյան
ՍՏԵՓԱՆԱԿԵՐՏ, 13 նոյեմբերի, ԱՐՑԱԽՊՐԵՍ: ԱՀ նախագահի հետ հանդիպումից հետո այս մասին «Արցախպրես»-ի թղթակցի հետ զրույցում ասել է Հայաստանի hանրային հեռուստառադիոընկերության խորհրդի նախագահ Արա Շիրինյանը:
Նրա խոսքով՝ Հայաստանի և Արցախի հանրային հեռուստաընկերությունների միջև կստորագրվի հուշագիր:
Հուշագրի համաձայն՝ Հայաստանի հանրային հեռուստաընկերությունը խորհրդատվական աջակցություն կցուցաբերի Արցախի հանրային հեռուստաընկերությանը (ԱՀՀ):
«Խորհրդատվությունը կվերաբերվի ԱՀՀ-ն տեխնիկական վերազինմանը, մասնագետների փորձի փոխանակմանը: Երիտասարդ հեռուստատեսային մասնագետները հնարավորություն կունենան վերապատրաստվել Երևանում՝ խորացնելու իրենց գիտելիքները: յս հուշագրի նպատակը մեկն է, որպեսզի Արցախի հանրային հեռուստատեսությունը կարողանա արագ փոփոխվող տեղեկատվական շրջանում դիմագրավել բոլոր մարտահրավերներին և ունենալ միջազգային չափնիշներին համապատասխան արտադրանք և հեռարձակում»,-մասնավորապես ասել է Ա. Շիրինյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -67-:
