Artsakhpress

Հասարակական

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը

«Ազատ հայրենիք» կուսակցության առաջնորդ Արայիկ Հարությունյանը երտասարդների հետ հանդիպման ժամանակ հավաստեց, որ Արցախում 2020 նախագահական ընտրություններում հաջողության հասնելու դեպքում պետական կառավարման ոլորտում կադրերի հարցում լինելու է անզիջում։

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը
ՍՏԵՓԱՆԱԿԵՐՏ, 13 նոյեմբերի, ԱՐՑԱԽՊՐԵՍ: Այս մասին ֆեյսբուքյան իր էջում գրել է «Ազատ հայրենիք» կուսակցության նախագահ, Արցախի նախագահի թեկնածու Արայիկ Հարությունյանը:
«Բոլոր պաշտոններում աշխատանքի հնարավորություն են ստանալու միայն նրանք, ովքեր հանրության կողմից բարի համբավ են վայելում, ովքեր պաշտոն ստանալուց հետո չեն փակվելու աշխատասենյակներում և շրջապատն ընկալելու են ծառայողական մեքենաների ապակիներից դուրս: Այո ՛, սա լինելու է կարևոր նախապայմաններից մեկը»,- հավաստել է նա:
Հարությունյանը նաև ընդգծել է ամուսնությունների խրախուսման քաղաքականության վերանայումը: «Եթե 2008թ.-ին այդ նպատակով կառավարության կողմից ներդրվեց 300.000 ՀՀ դրամի միանվագ տրամադրման ծրագիրը, որը կարևոր աջակցություն համարվեց պետության կողմից, սակայն ամբողջությամբ չլուծեց խնդրի ֆինանսական կողմը, կարծում եմ, ժամանակն է, հաշվի առնելով նաև առկա հնարավորությունները, ավելացնել այդ գումարի չափը՝ սահմանելով 1 մլն դրամ:
Սակայն սա ինքնանպատակ չէ, քանի որ նոր ընտանիքների ստեղծումը և ժողովրդագրական աճին նպաստելը պետական քաղաքականության ռազմավարության կարևոր նպատակներից են: Դա նաև մեր յուրահատուկ պայքարն է ավանդական ընտանիքի՝ որպես մնայուն արժեքի հանդեպ արվող բոլոր ոտնձգությունների դեմ: Այն կոչված է պահպանելու հարսանիքի՝ որպես նախնիներից եկած հաճելի ու պարտավորեցնող արարողության կարևորությունը՝ տոնական սեղանի շուրջ համախմբելու ծանոթ-բարեկամներին, ինչը կարծես թե կորցնում է իր տարածականությունը մեր հասարակության մեջ», - ասել է Հարությունյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55  կարճ համարին ուղարկելով sms հաղորդագրություն՝ նշելով համապատասխան կոդը` -26-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ստեփանակերտը պատրաստ է ընդունել Մեհրիբան Ալիեւային՝ որպես հյուրի կամ պատվիրակության ղեկավարի

Արցախի Խորհրդարանի ամենամեծ խմբակցությունը միացավ ՀՀ Վարչապետի կոչին

Ադրբեջանը ներկայացրել է ԼՂ հիմնահարցի խաղաղ կարգավորման իր տեսլականը

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Աննա Հակոբյանը Մեհրիբան Ալիևային հրավիրել է Արցախ

ԱրՊՀ-ի թիմը մասնակցել է ծրագրավորման միջազգային օլիմպիադայի կիսաեզրափակիչ փուլին. թիմի անդամներին դահլիճից դուրս են հրավիրել

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Search