Artsakhpress

Միջազգային

Լեհաստանի կառավարությունը հրաժարական է տվել

Լեհաստանի կառավարությունը հրաժարական է տվել երկրում հոկտեմբերի 13-ին կայացած խորհրդարանական ընտրություններից հետո:

Լեհաստանի կառավարությունը հրաժարական է տվել

Լեհաստանի կառավարությունը հրաժարական է տվել
ՍՏԵՓԱՆԱԿԵՐՏ, 12 նոյեմբերի, ԱՐՑԱԽՊՐԵՍ։ Այս մասին փոխանցում է NEWS.am-ը:
Լեհաստանի քաղաքացիներն ընտրել են սեյմի (խորհրդարանի ստորին պալատ) 460 պատգամավորի եւ սենատի 100 անդամի: Ընտրություններին հաղթանակ է տարել «Իրավունք եւ արդարություն» իշխող կուսակցությունը 43,59% ձայներով՝ ստանալով սեյմում 235 մանդատ 460-ից: Այդ արդյունքը Յարոսլավ Կաչինսկու կուսակցությանը սեյմում ապահովում է տեղերի ավելի քան կեսն ու իրավունք տալիս ինքնուրույն ձեւավորել կառավարությունը:
Լեհաստանի խորհրդարանում նաեւ ներկայացվել են ընդդիմադիր ուժեր՝ «Քաղաքացիական կոալիցիա»՝ 134 տեղ, «Ժողովրդավարական ձախականների միություն»՝ 39 մանդատ, լեհական գյուղացիական կուսակցություն՝ 30 մանդատ եւ «Կոնֆեդերացիա» ազգայնականների եւ եվրահոռետեսների միավորում՝ 11 մանդատ:
«ՌԻԱ Նովոստի»-ի հաղորդմամբ՝ վարչապետ Մատեուշ Մորավեցկին սեյմի առաջին նիստում հայտարարել է նախարարների կաբինետի հրաժարականի մասին: Այդ հրաժարականը տեխնիկական է, Լեհաստանի կառավարությունը վերանշանակվում է յուրաքանչյուր խորհրդարանական ընտրությունից հետո:
Անցած շաբաթ ներկայացվել է կառավարության նոր կազմը, որում էական փոփոխություններ կկատարվեն: Իշխող կուսակցությունը մինչ հաղթանակը որոշել է, որ չի փոխի նախարարների կազմը:
Նոր կառավարությունում, մասնավորապես, իրենց պաշտոնները կպահպանեն ազգային պաշտպանության նախարար Մարիուշ Բլաշչակը, արտաքին գործերի նախարար Յացեկ Չապուտովիչը, արդարադատության նախարար Զբիգնեւ Զեբրոն, ներքին գործերի նախարար Մարիուշ Կամինսկին, որը նաեւ կշարունակի համակարգել հատուկ ծառայությունները:
Հարգելի՛ ընթերցող, 1-5 բալային համակարգով կարող եք գնահատել նյութի ոորակը՝ 10-55  կարճ համարին ուղարկելով sms հաղորդագրություն՝ նշելով համապատասխան կոդը` -65-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախում ստեղծվել է նոր կուսակցություն. կայացել է հիմնադիր համագումարը

Կենսաթոշակների բարձրացում անպայման լինելու է. ոլորտի պատասխանատու

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 8-ին

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

«Շատ վիրավորված եմ քեզանից»․ Արայիկ Հարությունյանը՝ Հրանտ Բագրատյանին

Կարմիր շուկայում բազմաբնակարան շենքերի կառուցման աշխատանքներն ընթացքի մեջ են

Այսօր Կրկժանի ազատագրման 28-ամյակն է. պարգևատրվել են մի խումբ ազատամարտիկներ

Հայ-ադրբեջանական սահմանին պայմանագրային զինծառայող է վիրավորվել

Արցախի քաղաքացի հանդիսացող վարորդների վրա բալային համակարգն առայժմ չի կիրառվի

Search