Artsakhpress

Սփյուռք

Թուրքիայի Մարդին նահանգում հայկական և ասորական գերեզմանոցների վրա հարսանյաց սրահ և զբոսայգի են կառուցում

Մարդինի Դարգեչիթ գավառում ասորական և հայկական գերեզմանոցի վրա թուրքական իշխանությունները 1 միլիոն 270 թուրքական լիրայով զբոսայգի և հարսանյաց սրահ են կառուցում։ Այդպիսով իշխանության ղեկին գտնվող Արդարություն և զարգացում կուսակցությունը կատարել է իր նախընտրական խոստումը, որ տվել էր այս տարվա մարտին տեղի բնակիչներին։

Թուրքիայի Մարդին նահանգում հայկական և ասորական գերեզմանոցների վրա հարսանյաց սրահ և զբոսայգի են կառուցում

Թուրքիայի Մարդին նահանգում հայկական և ասորական գերեզմանոցների վրա հարսանյաց սրահ և զբոսայգի են կառուցում
ՍՏԵՓԱՆԱԿԵՐՏ, 11 նոյեմբերի, ԱՐՑԱԽՊՐԵՍ։ Այդ մասին հաղորդում է Akunq.net-ը` վկայակոչելով Mezopotamya լրատվական գործակալության հրապարակումը։
Աղբյուրի համաձայն՝ նորակառույց տարածքում տեղակայված են լինելու խաղասրահ, մարզասրահ և հարսանյաց սրահ։ Այդ ամենի կառուցումն արդեն սկսվել է։ Տեղացիներին այս տարվա մարտի 31-ին կայացած տեղական ինքնակառավարման մարմինների ընտրություններին նման խոստում էր տվել Արդարություն և զարգացում կուսակցության թեկնածուն։ Գերեզմանոցների վրա կառուցվող զբոսայգու և հարսանյաց սրահի բացումը կկայանա առաջիկա օրերին։
Այնուամենայնիվ, տեղի որոշ բնակիչներ ընդդիմացել են այդ նախագծին՝ մասնավորապես շեշտելով, որ այդ տարածքում են գտնվել ասորական և հայկական գերեզմանոցներ։ Նրանք հայտնել են, թե այգու և հարսանյաց սրահի կառուցումը դադարեցնելու խնդրանքով բազմիցս դիմել  են համապատասխան մարմիններին, սակայն վերջիններս անտեսել են նրանց դիմումները։
Տեղի բնակիչներից ասորի Աբդյուլմեսիհ Էրգյունը լրատվական գործակալության թղթակցի հետ զրույցում հայտնել է, որ սեփական ձեռքերով փակել է մի երեխայի պատկանող գերեզմանը, որի վրա խաչ է նկատել։ Բայց և այնպես, իշխանությունները չեն դադարեցրել զվարճատեղիների կառուցումը։
Էրգյունը նաև ասել է․ «Այստեղ ասորիներ և հայեր են ապրել։ Սա քրիստոնեական գերեզմանոց էր։ Գերեզմանները կրոն, լեզու և ազգություն չունեն։ Այս վայրերում տարբեր հավատքներ ունեցած մարդիկ են ապրել։ Գերեզմանոցի վրա զվարճատեղիի և զբոսայգու կառուցումը բարոյական չէ և չի համապատասխանում խղճի թելադրանքին։ Սրանք մարդկային արժեքներ են։ Մենք, որպես հասարակության ներկայացուցիչներ, պետք է այս ամենը նկատի ունենանք»։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55  կարճ համարին ուղարկելով sms հաղորդագրություն՝ նշելով համապատասխան կոդը` -51-:

     

Մշակույթ

Սպորտ

Սփյուռք

Ամենադիտված

ամիս

շաբաթ

օր

Չեմ կարծում՝ Մեհրիբան Ալիևան իր այդ կարգավիճակով կարող է գալ Արցախ՝ մուղամ լսելու

Հայտնի են «Երեխաների իրավունքներն իմ աչքերով» խորագրով լուսանկարների և տեսանյութերի մրցույթի արդյունքները

Ստեփանակերտում կազմակերպվել է բարեգործական համերգ. հասույթը տրամադրվելու է Նանար Պողոսյանի բուժմանը

Հադրութի քաղաքապետի հայտարարությունը զրպարտանք է. «Ղարաբաղ Տելեկոմ»

Արցախցի մարզիկներն արժանացել են ոսկե մեդալների

Հարգե՛ք մեր ժողովրդի իրավունքները. Արայիկ Հարությունյանը դիմել է ՄԱԿ-ի գլխավոր քարտուղարին

Այսօր Սպիտակի երկրաշարժի 31-րդ տարելիցն է. Արցախում հարգանքի տուրք են մատուցել անմեղ զոհերի հիշատակին

WhatsApp-ում նոր գործառույթ է հայտնվել

Մեղադրանք է առաջադրվել Բարսեղ Բեգլարյանին

Search