Artsakhpress

Քաղաքական

Որպես գլխավոր մարտահրավեր պետք է բարելավել ժողովրդագրական իրավիճակը. Արայիկ Հարությունյանը ներկայացրել է ծրագրային առաջնահերթությունները

Այսօր կայացած «Ազատ Հայրենիք» կուսակցության յոթերորդ համագումարին կուսակցության նախագահ Արայիկ Հարությունյանն անդրադարձել է տարբեր ոլորտների հետ կապված իրենց ծրագրային առաջնահերթություններին:

Որպես գլխավոր մարտահրավեր պետք է բարելավել ժողովրդագրական իրավիճակը. Արայիկ Հարությունյանը ներկայացրել է ծրագրային առաջնահերթությունները

Որպես գլխավոր մարտահրավեր պետք է բարելավել ժողովրդագրական իրավիճակը. Արայիկ Հարությունյանը ներկայացրել է ծրագրային առաջնահերթությունները
ՍՏԵՓԱՆԱԿԵՐՏ, 10 նոյեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ իր խոսքում Արայիկ Հարությունյանը նշել է, որ մեր բոլորիս երազանքների երկիրը կառուցելու համար մասնավորապես անհրաժեշտ է, որպես գլխավոր մարտահրավեր, բարելավել ժողովրդագրական իրավիճակը, սոցիալ քաղաքականության ոլորտում ուշադրության կենտրոնում պահել հատկապես առողջապահության, կրթության և սպորտի ոլորտները, բնակարանաշինության և հիրփոթեքի հետ կապված հարցերը:
 
Տնտեսության բնագավառում Ա. Հարութունյանը մատնանշել է էներգետիկ համակարգի և գյուղատնտեսության զարգացումը, արդիականացումը, տեխնոլոգիական նորագույն լուծումների ներդնումը, պարենային անվտանգության ապահովումը, ջրային ռեսուրսների ճիշտ և արդյունավետ կառավարումը, թեթև արդյունաբերության զարգացումը ողջ Արցախում՝ սնունդ, տեքստիլ և այլն:
Ա. Հարությունյանի ներկայացրած ծրագրային առաջնահերթություններից են նաև  ՏՏ ոլորտի զարգացումը, ոլորտային կենտորնների հիմնումը Արցախի ողջ տարածքում, դեպի ոլորտ դպրոցականների և պատանիների ներգրավումը նորաբաց ՏՏ կենտրոնների և «Սմարթ» կենտրոնների շրջնակներում, ինչպես նաև զբոսաշրջության զարգացումը, ենթակառուցվածքների ստեղծումը և արդիականացումը, և ամենակարևորը՝ Արցախը դարձնել պատմամշակութային տուրիզմի, գաստրոտուրիզմի և էկոտուրիզմի ինքնատիպ կենտրոն:
«Այս ամենից զատ պետք է բարելավել ներդրումային դաշտը, բիզնես գործունեության բոլոր ոլորտներում ապահովել ազատ մրցակցության, հիմնել բիզնես գործունեության ծավալման հեշտացված համակարգեր, այդ թվում՝ «մեկ պատուհանի» համակարգ և ընդլայնել պետական աջակցության գործիքակազմ»,- նշել է Ա. Հարությունյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -33-:

     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Search