Artsakhpress

Քաղաքական

Արցախի ապագան գրեթե անհնարին է պատկերացնել Հայաստան-Արցախ-Սփյուռք եռամիասնությունից դուրս. Արայիկ Հարությունյան

«Ազատ Հայրենիք» կուսակցության անցած երկու տարիների գործունեությունը միտված է եղել Արցախի կառավարության վարած տնտեսական քաղաքականությանը սատարելուն և երկիրը ներքաղաքական հնարավոր ցնցումներից զերծ պահելուն:

Արցախի ապագան գրեթե անհնարին է պատկերացնել Հայաստան-Արցախ-Սփյուռք եռամիասնությունից դուրս. Արայիկ Հարությունյան

Արցախի ապագան գրեթե անհնարին է պատկերացնել Հայաստան-Արցախ-Սփյուռք եռամիասնությունից դուրս. Արայիկ Հարությունյան
ՍՏԵՓԱՆԱԿԵՐՏ, 10 նոյեմբերի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ այս մասին այսօր՝ նոյեմբերի 10-ին կայացած «Ազատ Հայրենիք» կուսակցության յոթերորդ համագումարին ասել է կուսակցության նախագահ Արայիկ Հարությունյանը:
Նրա խոսքով՝ միջին տարեկան մոտ 10 տոկոս տնտեսական աճ ապահովելը հաջողվել է արձանագրել 2018 թվականին և հաջողվելու է նաև 2019 թվականին:
«Ստեղծված են նախադրյալները առաջիկա տարիներին ևս բարձր աճի տեմպեր արձանագրելու համար: Արցախի ներքաղաքական կյանքին և դրա ապագայի տեսլականին այս անդրադարձը կատարելուց զատ, առանցքային կարևորություն ունի նաև ՀՀ-ի և հայկական սփյուռքի հետ հարաբերությունների թեման: Համոզված ենք՝ ցանկացած ողջախոհ հայ կհաստատի, որ Արցախի ապագան գրեթե անհնարին է պատկերացնել Հայաստան-Արցախ-Սփյուռք եռամիասնությունից դուրս: Այդ է պատճառը, որ իմ պետական նախարարի պաշտոնը թողնելուց հետո մեր քաղաքական կուրսը որևէ փոփոխություն չի կրել, քանի որ պետական շահը ավելի առաջնահերթ է մեզ համար»,- նշել է Ա. Հարությունյանը:
«Ազատ Հայրենիք» կուսակցության նախագահը վստահ է՝ որպես առաջատար քաղաքական ուժ՝ իրենք ինքնանպատակ չեն ձգտել միայն իշխանությունը պահելու, քանի որ ունեն սեփական առաքելությամբ խորը գիտակցում, դրա իրականացման իրատեսական և հավակնոտ ծրագրեր և ամենակարևորը՝ քաղաքական կամք և վճռականություն:
 
«Առաքելություն, որը պետք է սրբագրի անցյալի թերությունները, այլ ոչ թե ուրանա անցյալը: Պետք է ապահովի ոչ միայն հայրենիքի ազատությունը, այլ բոլորիս ազատությունն այդ հայրենիքում: Կուսակցությունը նախանձախնդիր է ՀՀ-ի հետ հարաբերությունները խորացնելու հարցում: Ակտիվացրել ենք նաև միջկուսակցական կապերը Հայաստանի հետ, փորձ ենք ձեռք բերել արտասահմանյան քաղաքական ուժերի հետ համագործակցությամբ: Օրեր առաջ իմ գլխավորությամբ «Հայրենիք» խմբակցությունը Երևանում հանդիպումներ է ունեցել ՀՀ վարչապետ Նիկոլ Փաշինյանի, Ազգային ժողովի նախագահ Արարատ Միրզոյանի, Խորհրդարանի բոլոր խմբակցությունների հետ: Հարկ եմ համարում նշել, որ մեր քաղաքական տարեգրության մեջ սա նոր իրողություն է, և պետք է այն պահպանել հետագայում: Միջկուսակցական կապերի ամրապնդման համատեքստում փոխայցելությունների մակարդակով համագործակցում ենք նաև եվրոպական երկրների որոշ քաղաքական ուժերի հետ»,- ավելացրել է Ա. Հարությունյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -30-:

     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Search