Artsakhpress

Հասարակական

«Ղարաբաղ Տելեկոմ» ընկերությունը Փառուխի և Արմենակավանի դպրոցականներին տրամադրել է պլանշետներ (լուսանկարներ)

Բարեգործական ծրագրերի շրջանակներում այսօր՝ նոյեմբերի 7-ին, «Ղարաբաղ Տելեկոմ» ՓԲ ընկերությունն Ասկերանի շրջանի Փառուխ և Արմենակավան համայնքների դպրոցների 15 աշակերտների տրամադրել է պլանշետներ, ինչպես նաև 20 ՄԲ/վ արագությամբ անվճար ինտերնետ:

«Ղարաբաղ Տելեկոմ» ընկերությունը Փառուխի և Արմենակավանի դպրոցականներին տրամադրել է պլանշետներ (լուսանկարներ)

«Ղարաբաղ Տելեկոմ»   ընկերությունը  Փառուխի  և  Արմենակավանի դպրոցականներին    տրամադրել  է   պլանշետներ  (լուսանկարներ)
ՍՏԵՓԱՆԱԿԵՐՏ, 7 նոյեմբերի, ԱՐՑԱԽՊՐԵՍ: Միջոցառմանը «Ղարաբաղ Տելեկոմ» ՓԲ  ընկերության գլխավոր  տնօրեն Կարեկին Օդաբաշյանը, Ասկերանի  շրջվարչակազմի  ղեկավար    Հակոբ  Ղահրամանյանը  Փառուխի  դպրոցում   մի  շարք  հարցեր են    քննարկել      դպրոցի  ուսուցչական    կազմի  և    աշակերտների  հետ:
Հ. Ղահրամանյանն  իր  խոսքում    կարևորել  է   «Ղարաբաղ Տելեկոմ»-ի  հերթական    բարեգործական   ծրագիրը  և   հույս   հայտնել, որ   դպրոցականներն  այսուհետ    ավելի  շատ   ժամանակ  կտրամադրեն     համակարգչային     ծրագրերի   ուսուցմանը: 
«Արցախպրես»-ի  թղթակցի  հետ  զրույցում  «Ղարաբաղ Տելեկոմ»  ՓԲ  ընկերության  գլխավոր  տնօրեն Կարեկին Օդաբաշյանն  ասել է, որ  բարեգործության  նպատակն  այն  է, որ  պատանիներն  ավելի    արագ     տիրապետեն     համակարգչային     տեխնիկայի   հնարավորություններին   և  հմտություններին:
«Մենք   պետք է  մշտապես  խրախուսենք  երեխաներին, որպեսզի  նրանք  կարողանան   օգտվել   համացանցից: Երեխան աշխարհը ճանաչում է համակարգչի միջոցով` խաղեր մուլտֆիլմեր, նկարներ և այլն: Երեխաների ուշադրությունը, մտածողությունը, տրամաբանությունը կարելի է զարգացնել ճիշտ ընտրված խաղերի   ու  առաջադրանքների շնորհիվ:  
«Ղարաբաղ Տելեկոմ»  ՓԲ ընկերությունը   միշտ  աջակցել ու շարունակելու  է  աջակցել     երեխաներին»,-  ավելացրել  է    Կ.  Օդաբաշյանը:
Նա  նաև  տեղեկացրել  է, որ  Փառուխ  համայնքում  «Ղարաբաղ Տելեկոմ»  ընկերությունն   որոշ  չափով  լուծել  է ճանապարհային  լուսավորության  հարցը:
«Մենք  փորձում ենք  մեր  ունեցած  հնարավորությունների  սահմաններում  աջակցել   բոլոր   այն  անձանց, ովքեր  ունեն   խնդիրներ:  Պահանջներն  ու  դիմումները   շատ  են.  առաջնահերթությունը   տալիս  ենք  այն     հարցերի    լուծմանը, որոնք  օրախնդրային  են»,- նշել  ընկերության  տնօրենը:
Փառուխի   դպրոցի    աշակերտ   Գոռ  Մովսիսյանն  ասել է, որ    իրենք   ինֆորմատիկայի    ժամին  սովորում են   համակարգչային   տարբեր  ծրագրեր:
«Մեր   դպրոցն  ունի   միայն  մեկ  համակարգիչ:  Ուրախ  ենք, որ   այսուհետ  մեր  դասերն    անցնելու  են   ավելի     հետաքրքիր  ու  հեշտ, քանի  որ  բոլորս  ունենք    պլանշետներ: Դպրոցի  աշակերտների  անունից  ուզում  եմ   իմ շնորհակալաությունն ու  գոհունակությունը   հայտնել   Կ. Օդաբաշյանին    այսպիսի    նվերի  համար»,-մասնավորապես  նշել  է  Գ. Մովսիսյանը: 
 
Փառուխի  դպրոցի  տնօրեն  Անահիտ  Գալստյանն  ուսուցչական  կազմի   անունից   ևս   շնորհակալություն  է  հայտնել «Ղարաբաղ Տելեկոմ»  ընկերությանը՝  ի  դեմս   տնօրեն  Կարեկին  Օդաբաշյանի:
 
Տնօրենի  խոսքով՝  «Ղարաբաղ Տելեկոմ»-ի    կողմից    տրամադրված  պլանշետներն ավելի     դյուրին են  դարձնելու   դասապրոցեսները:
«Աշակերտները հնարավորություն կունենան ձեռք բերել ավելի խորը գիտելիքներ ինֆորմատիկա առարկայից: Հաշվի առնելով մեր ժամանակներում տեղեկատվական տեխնոլոգիաների արդիականությունը, առաջնային նպատակ է դառնում աշակերտներին  ուսուցանել  համակարգչային   կարողություններ»,-   հավելել  է  տնօրենը:
Միջոցառման  վերջում   դպրոցականները  ցանկություն  են  հայտնել   առանձին-առանձին   լուսանկարվել  «Ղարաբաղ Տելեկոմ»  ՓԲ  ընկերության  գլխավոր  տնօրեն Կարեկին  Օդաբաշյանի  հետ: 
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55  կարճ համարին ուղարկելով sms հաղորդագրություն՝ նշելով համապատասխան կոդը` -32-:    

     

Քաղաքական

Տնտեսական

Ռազմական

Ամենադիտված

ամիս

շաբաթ

օր

Search