Artsakhpress

Տնտեսական

Արայիկ Հարությունյանն Արցախի տնտեսության զարգացման լոկոմոտիվն է համարում գյուղատնտեսությունը

 Արցախի Հանրապետության տնտեսության զարգացման հեռանկարում առաջիկա 10-11 տարիների ընթացքում 10 տոկոս ցուցանիշը պետք է լինի թիրախային, և այդ 10 տոկոս տնտեսական աճն է ապահովելու Արցախի ժողովրդագրական, ինչու չէ նաև անվտանգության խնդիրը:

Արայիկ Հարությունյանն Արցախի տնտեսության զարգացման լոկոմոտիվն է համարում գյուղատնտեսությունը

Արայիկ Հարությունյանն Արցախի տնտեսության զարգացման լոկոմոտիվն է համարում գյուղատնտեսությունը
ՍՏԵՓԱՆԱԿԵՐՏ, 4 նոյեմբերի, ԱՐՑԱԽՊՐԵՍ-ԱՐՄԵՆՊՐԵՍ: Նոյեմբերի 4-ին Երևանի պետական տնտեսագիտական համալսարանում կայացած «Արցախի տնտեսական զարգացման հեռանկարները» թեմայով դասախոսության ժամանակ նման տեսակետ հայտնեց «Ազատ Հայրենիք» կուսակցության նախագահ, Արցախի նախկին վարչապետ Արայիկ Հարությունյանը:
Նա նշեց, որ այսօր պատերազմը պահանջում է շատ ավելի ռեսուրսներ, քան նախկինում, և դրա համար տնտեսական ցուցանիշները համարում է շատ ավելի կարևոր:
«Եթե վերջին տասը տարիների ընթացքում Արցախի տնտեսության աճն ապահովել են հիմնականում էներգետիկան, հանքարդյունաբերությունը և գյուղատնտեսությունը, որը բերել է ծառայության ոլորտի աճին, ապա առաջիկա 10 տարում հիմնական լոկոմոտիվը լինելու է գյուղատնտեսությունը, որովհետև հիդրոէներգետիկայում ներուժը սպառվելու է մինչև 2022-23 թվականները: Այսինքն` որտեղ հնարավոր է լինելու կայաններ կառուցել, կառուցվում է կամ ընթացքում է: Արդյունքում`2007 թվականի միջին տարեկան 90 միլիոն կվտ/ժ արտադրությունը հասցվելու է 1 միլիարդ 100 միլիոնի, որը թույլ կտա Ղարաբաղն առաջիկա 50 տարում ապահովել վերականգնվող, էժան էներգիայով, որը իր հերթին թույլ է տալու Ղարաբաղին հրաժարվել նավթային և գազային ռեսուրսներից»,-ընդգծեց Հարությունյանը՝ հավելելով, որ իրենց առջև խնդիր է դրված, որպեսզի մինչև 2040 թվականը ամբողջությամբ մեքենաները  և արտադրական օբյեկտները անցնեն էլեկտրականի:
Արայիկ Հարությունյանի խոսքով՝ Արցախի գյուղատնտեսության ոլորտում կան բազմաթիվ պիլոտային ծրագրեր: «Արդեն ունենք պիլոտային բավական շատ հաջողված ծրագրեր նռան և այլ մշակաբույսերի առումով: Ընդհանուր առմամբ եթե պտղի արտադրությունը այսօր կազմում է մինչև 20 հազար տոննա, պետք է հասցնել այն 200 հազար տոննայից ավելի ցուցանիշի: Նռան արտադրության առումով կա մրցակցային առավելություն: Նռան պահանջարկը մեծանում է, իսկ աշխարհագրորեն ամեն տեղ հնարավոր չէ աճեցնել: Երկրորդ կարևոր ուղղությունը ոչխարաբուծությունն է: Այսօր եթե ոչխարների գլխաքանակը տատանվում է 100 հազարի շրջանակում, այդ թիվը պետք է հասցնել ավելի քան 500 հազարի»,- ասաց Հարությունյանը:
«Ազատ Հայրենիք» կուսակցության նախագահի կարծիքով` ոչխարաբուծությունը միակ ուղղությունն է, որի միջազգային գինը շատ ավելի բարձր է, քան տեղականը:
«Եթե կարողանալու ենք գյուղատնտեսության ՀՆԱ-ի մասը հասցնել 250-300 միլիոն դոլարի, դա նշանակում է ունենալ 2-2.5 միլիարդ դոլար ՀՆԱ արդյունք: Սա է մեր գլխավոր ճանապարհը»,- եզրափակեց Հարությունյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -43-:

     

Քաղաքական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Սամվել Բաբայանը Արայիկ Հարությունյանին ընդդիմություն չի լինի. ի՞նչ են քննարկել նրանք, Սամվել Բաբայանը կստանա՞ պաշտոն

Մարտական դիրքում գլխի շրջանում ստացած հրազենային վնասվածքից զինծառայող է մահացել

Արցախի ՊԲ-ն հարվածային ԱԹՍ է փորձարկել, կսկսվի դրանց սերիական արտադրություն (տեսանյութ)

Արցախում պետական հաստատություններում անվճար կրթության հնարավորությունը կունենա հետադարձ ուժ. Վահրամ Պողոսյան

Search