Artsakhpress

Տնտեսական

ԵԱՏՄ աշխարհագրությունն ընդլայնվում է. Հայաստանն այս գործում մեծ ներդրում ունի

Եվրասիական տնտեսական միությունը շարունակում է աննախադեպ հաջողություններ արձանագրել միջազգային համագործակցության ոլորտում 2019թ.-ին, երբ Եվրասիական տնտեսական միությունում նախագահում է Հայաստանը։

ԵԱՏՄ աշխարհագրությունն ընդլայնվում է. Հայաստանն այս գործում մեծ ներդրում ունի

ԵԱՏՄ աշխարհագրությունն ընդլայնվում է. Հայաստանն այս գործում մեծ ներդրում ունի
ՍՏԵՓԱՆԱԿԵՐՏ, 28 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Ինչպես հայտարարվել էր ԵԱՏՄ երևանյան գագաթնաժողովի ժամանակ, հոկտեմբերի 27-ին ուժի մեջ է մտել Իրանի հետ դեռ 2018թ. ստորագրված՝ Ազատ առևտրի գոտու մասին ժամանակավոր համաձայնագիրը, որի գործողությունը նախատեսված է երեք տարով՝ ապագայում երկարաձգելու հեռանկարով։
Մինչ համաձայնագրի ուժի մեջ մտնելն արդեն ԵԱՏՄ-Իրան տնտեսական հարաբերություններում նկատելի էր դրական դինամիկա։ Եվրասիական տնտեսական հանձնաժողովի տվյալներով՝ արդեն 2018թ Իրանից արտահանման ծավալները ԵԱՏՄ երկրներ ավելացել են 27%-ով, իսկ ընթացիկ տարվա հունվար-օգոստոս ամիսներին ԵԱՏՄ-ից Իրան արտահանումն աճել է ավելի քան 17%-ով։ Համաձայնագիրն իր հերթին հնարավորություն կտա էլ ավելի խթանել կողմերի միջև ապրանքաշրջանառությունը։ Թեև արտահանման համար արտոնություններ ստացած ապրանքատեսակների թիվը սահմանափակ է, սակայն այն ներառում է հիմնական ապրանքատեսակները, որոնք ԵԱՏՄ-ն արտահանում է, մասնավորապես, գյուղատնտեսական և արդյունաբերական արտադրանք։ Կարևոր է, որ միջազգային պատժամիջոցների տակ գտնվող Իրանը, որն ավանդաբար պրոտեկցիոնիստական քաղաքականություն է իրականացնում, մաքսային արտոնություններ է տրամադրում ԵԱՏՄ անդամ երկրներին մոտ 500 անուն ապրանքատեսակների մասով, ինչի արդյունքում ԵԱՏՄ արտադրանքը կարող է մրցունակ լինել իրանական շուկայում։ ԵԱՏՄ-ի մուտքը իրանական շուկա հնարավորություն կստեղծի նաև հետագայում Մերձավոր Արևելքի շուկաներ մտնելու համար։
Սա բավական կարևոր է հատկապես Հայաստանի համար, որն էլ հանդես էր գալիս Իրանի հետ բանակցողի դերում՝ հաշվի առնելով Հայաստանի՝ Իրանի հետ տնտեսական համագործակցության հարուստ փորձը։ Բացի նրանից, որ իրանական շուկա մուտք գործելը Հայաստանի համար դառնում է իրատեսական, Հայաստանը կարող է լուրջ դերակատարում ունենալ ապրանքափոխադրման հարցում՝ որպես Իրանի հետ ցամաքային սահման ունեցող ԵԱՏՄ միակ երկիր։ Այս առումով շատ կարևոր է, որ Հայաստանը մեծ ուշադրություն դարձնի անհրաժեշտ ենթակառուցվածքների ապահովմանը։ Մյուս կողմից, Հայաստանը պետք է դիտարկել նաև որպես հարթակ՝ իրանական արտադրանքի վերամշակման և ԵԱՏՄ, ինչու չէ, նաև ԵՄ երկրներ արտահանելու համար, ինչը նույնպես շահութաբեր կլինի Հայաստանի համար։ Համաձայնագրի ստորագրումը բավական կարևոր է նաև Իրանի համար՝ ինչպես տնտեսական, այնպես էլ քաղաքական առումով։ Դա, ըստ էության, նրան հնարավորություն կտա մեղմել Արևմուտքի կողմից քաղաքական և տնտեսական մեկուսացման հետևանքները։
Իրանից բացի, վերջին օրերին այլ ուղղություններով ևս ԵԱՏՄ-ի միջազգային համագործակցության ընդլայնման հետ կապված դրական տեղաշարժեր են արձանագրվել։ Մասնավորապես, հոկտեմբերի 25-ին Մոսկվայում տեղի ունեցած Եվրասիական միջկառավարական խորհրդի նիստին, Ազատ առևտրի գոտու ստեղծման մասին համաձայնագիր է ստորագրվել Սերբիայի հետ։ Հատկանշական է, որ Ռուսաստանը, Բելառուսը և Ղազախստանը Սերբիայի հետ արդեն ունեին ազատ առևտրի ռեժիմ այժմ նման արտոնյալ պայմաններ են ստեղծվում նաև հայկական և ղրղըզական արտադրանքի համար։ Հայաստանի դեպքում, ըստ ԵՏՀ-ի, արտահանման թիրախում կլինեն ալկոհոլային խմիչքները և ծխախոտը, գյուղմթերքը և սննդամթերքը։ Սերբիայի հետ ստորագրված համաձայնագիրը թույլ կտա ապահովել առևտրային գործարքների կայունությունը, կանխատեսելիությունը և թափանցիկությունը։
Նույն օրը ուժի մեջ է մտել ԵԱՏՄ-Չինաստան առևտրատնտեսական համագործակցության մասին համաձայնագիրը։ Այն պրեֆերենցիալ չէ, այսինքն՝ չի նախատեսում մաքսատուրքերի նվազեցում։ Փոխարենն, այն ուղղված է կարգավորման համակարգերի թափանցիկության մակարդակի բարձրացմանը, առևտրային ընթացակարգերի պարզեցմանը, ինչպես նաև բազմակողմ կապերի զարգացմանը։ Այս փաստաթուղթը շատ կարևոր է ԵԱՏՄ-ի և չինական «Մեկ գոտի, մեկ ճանապարհ» նախաձեռնության զուգակցման տեսանկյունից, քանի որ ԵԱՏՄ-ն ունի տարանցման մեծ ներուժ և քայլեր է իրականացնում այդ ներուժի իրացման ուղղությամբ։ Ուստի, պատահական չէր, որ հոկտեմբերի 1-ին ԵԱՏՄ երևանյան գագաթնաժողովի շրջանակներում անցկացվեց «Եվրասիական մայրցամաքի տարանցիկ ներուժը» խորագրով ֆորում։ Այն գլխավորապես ուղղված էր «Մեծ Եվրասիայի» տարածքում միասնական տրանսպորտային տարածքի ձևավորմանը, տարանցիկ գործընթացների արդյունավետության բարձրացմանը: Այս համատեքստում հատկանշական է, որ երևանյան նիստի ընթացում Ազատ առևտրի գոտու մասին համաձայնագիր ստորագրվեց նաև Սինգապուրի հետ։ Այս փաստաթղթի ստորագրման գործում ևս Երևանն իր դրական ներդրումն է ունեցել. հուլիսին Սինգապուր կատարած պաշտոնական այցի ընթացքում ՀՀ վարչապետը Սինգապուրի իր պաշտոնակցի հետ քննարկել է բազմակողմ ձևաչափով համագործակցության հարցեր:  ԱԱԳ ստեղծման շուրջ քննարկումներ են ընթանում նաև Իսրայելի, Հնդկաստանի և Եգիպտոսի հետ։ Վերջինիս դեպքում ևս հիմնական բանակցողը Հայաստանն է։
Այսպիսով, ԵԱՏՄ-ն հետևողականորեն ընդլայնում է իր աշխարհագրությունը։ Միջազգային համագործակցության ոլորտում արձանագրված հաջողությունները ԵԱՏՄ-ի նկատմամբ միջազգային հետաքրքրության աստիճանի բարձրացման հստակ ցուցանիշ են։ Տնտեսական համագործակցության առկա ձևաչափերը դրական փորձ են ԵԱՏՄ-ի միջազգային համագործակցության համակարգը ձևավորելու գործում։ Այն 2019թ. որպես կառույցում նախագահող երկրի՝ Հայաստանի կողմից առաջ քաշված գերակայությունների շարքում էր, և, փաստացի, Հայաստանը մեծ ներդրում է ունեցել այս ոլորտում արձանագրված մեծ հաջողությունների գործում։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -62-:

     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին
Search