Artsakhpress

Քաղաքական

Կայացել է «Վաղվա Արցախ» կուսակցության հիմնադիր համագումարը

Այսօր՝ հոկտեմբերի 19-ին, Ստեփանակերտի «Վալլեքս» հյուրանոցային համալիրի կոնֆերանս դահլիճում կայացել է «Վաղվա Արցախ» կուսակցության հիմնադիր համագումարը:

Կայացել է «Վաղվա Արցախ» կուսակցության հիմնադիր համագումարը

Կայացել  է  «Վաղվա Արցախ» կուսակցության  հիմնադիր  համագումարը
ՍՏԵՓԱՆԱԿԵՐՏ, 19 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝  համաժողովը  վարում  էր  «Վաղվա Արցախ»  կուսակցության     անդամ  Շիրակ  Զաքարյանը: Նա  ներկայացրել  է    կուսակցության  ծրագիրը, իրենց  նպատակներն  ու  խնդիրները:
Նրա  խոսքով՝  կուսակցության  ծրագրում    ներառել  են   Արցախի  բնակչության   պաշտպանությունն  արտաքին  վտանգից,  բնակչության  իրավունքների   պաշտպանության, օրենքի  գերակայության  ապահովման, բնակչության  առողջության,   կրթության   և գիտության,  սոցիալական  ապահովության   մակարդակի   բարձրացման, արդյունավետ  հանրային  կառավարման,   տնտեսության   զարգացման   ապահովման,  կոռուպցիայի  դեմ  պայքարի,  մշակույթի  և  կրոնի, տարածքային  համաչափ   զարգացման,  շրջակա  միջավայրի  պահպանության  և  բնական  ռեսուրսների   ողջամիտ   օգտագործման, արտաքին քաղաքականության, Մայր   Հայաստան  հետ    վերամիավորմանն  ուղղված   ինտեգրացիոն   պրոցեսների   խթանմանը   վերաբերյալ  մի  շարք  հարցեր:

Կուսակցության   համահիմնադիր    Տիգրան   Պետրոսյանն  իր խոսքում  ասել է, որ   «Վաղվա Արցախ» կուսակցությունը     հանդես  է  գալիս   որպես   ինստիտուցիոնալ   հանրային-քաղաքական  կառույց, որի  գործունեության  հիմնական  նպատակն  է  առաջադիմական  լուծումների  և  բարեփոխումների միջոցով  կառուցել   իրավունքի   գերակայության  և  օրենքի  առաջ   յուրաքանչյուրի   հավասարության  վրա հիմնված  կայուն, անվտանգ  և  զարգացած   Արցախ,  որտեղ  մարդը   գերագույն  արժեք  է:
«Այդ  նպատակին  հասնելու  համար   կուսակցությունը   ձգտելու  է  արդարության, իրավունքի  և  օրենքի   գերակայության,  կանանց  և   տղամարդկանց    իրավահավասարության, ժողովրդավարության   հիման  վրա  ձևավորելու  է    կայացած  և  իրազեկ  քաղաքացիական հասարակություն:     Նման  հասարակության  ձևավորման  համար  անհրաժեշտ  է    հանրային   իրավագիտակցության  բարձրացում, որը  պետք  է  սկսվի  անհատի վերափոխումից:  Կուսակցության  գործունեությունը  հասարակության  հետ    նպաստելու է այդ  վերափոխմանը, հասարակության  քաղաքական  սկզբունքների  ձևավորմանն  ու  արտահայտմանը»,-մասնավորապես  ասել  է  Տ. Պետրոսյանը՝  նշելով, որ  կուսակցության  ստեղծման  գաղափարն  առաջացել է   Հայաստանում  տեղի  ունեցած    հեղափոխությունից  հետո:
Մեզ  հետ   զրույցում     նա  ասել    է, որ   «Վաղվա Արցախ» կուսակցությունը    գալիք՝  2020  թվականին  կայանալիք    նախագահական    ընտրություններին  իրենք   թեկնածու  չեն  առաջադրելու,     բայց     կուսակցությունը    սատարելու    է   Մասիս  Մայիլյանին: 
  
Կուսակցությունում   անդամագրվել   են    տարբեր  ոլորտներ  ներկայացնող      ավելի  քան   300  քաղաքացիներ:
 
«Վաղվա Արցախ» կուսակցության    նախաձեռնող   խմբի  անդամ  Վահրամ  Ղահրամանյանի  խոսքով՝  նոր   քաղաքական   կառույցը  կլինի      հավակնոտ, նպատակասլաց,  տոգորված    վաղվա  Արցախի  լուսավոր  ապագան  կերտելու     վճռականությամբ:
«Կուսակցության  ստեղծումն  ինքնանպատակ  չէ: Արցախում  կան   նորաստեղծ  կուսակցություններ, որոնց    դերակատարությունն   Արցախի  հասարակական-քաղաքական  կյանքում  դեռևս  շոշափելի  չէ: Մեր  կուսակցությունն ունենալու  է  ընդգծված  ընդիմադիր   կեցվածք, որի      գործունեության   հիմնական նպատակներից  է   լինելու  մի  քանի  ընդիմադիր  կուսակցությունների  հետ  միասին   լրացնել  այն  բացը, որը   առկա  է   Արցախի   քաղաքական  դաշտում:  Մենք՝   «Վաղվա Արցախ» կուսակցության  հիմնադիր  անդամներս, գտնում  ենք, որ    գործող  իշխանությունները  լրիվությամբ  սպառել  են երկիրն  արդյունավետ   կառավարելու  իրենց  ներուժը  և  ձախողվել     բոլոր  ուղղություններով՝  անվտանգություն,  տնտեսություն,  իրավակարգ,  կադրային  քաղաքականություն, ենթակառուցվածքներ  և  այլն:  Այս  կերպ     ապրելը  հարիր   չէ   հերոսական    ժողովրդին: Պետք  է     օր  առաջ  ազատվել  պետությունը  և  հասարակությունը  կազմալուծող ձևականությունից, պատռել  կեղծիքի   քողը  և մտցնել  այնպիսի  իրականություն  ինչպիսին  կա»,-մասնավորապես  ասել  է  Վ.  Ղահրամանյանը:
«Վաղվա Արցախ» կուսակցության   համաժողովին  ներկա էին տարբեր  կուսակցությունների  ներկայացուցիչներ,    կուսակցության  անդամներ  և   համակիրներ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -28-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Զինծառայող Էրիկ Հարությունյանի մահվան դեպքի առթիվ հարուցվել է քրեական գործ

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Ռուսական ռազմաբազան ՀՀ–ում գեղեցկության համար չէ. եթե սահմանային միջադեպերի հարցով ՀՀ–ն դիմի ՀԱՊԿ–ին, ապա կգործարկվեն նախատեսված մեխանիզմները. Զատուլին

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

Ստեփանակերտում կազմակերպվել է ֆլեշ մոբ

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Ստեփանակերտում կկազմակերպվի «Իմ սեր Հայաստան» խորագրով ֆլեշմոբ

Search