Artsakhpress

Միջազգային

Քրդերը համաձայնել են Սիրիայում հրադադարին. լրատվամիջոցներ

Քրդական կազմավորումները, որոնք «Սիրիայի ժողովրդավարական ուժեր» (SDF) կոալիցիայի մասն են, համաձայնել են հրադադար հաստատել, որի մասին ավելի վաղ հայտարարել էին ԱՄՆ-ն և Թուրքիան:

Քրդերը համաձայնել են Սիրիայում հրադադարին. լրատվամիջոցներ

Քրդերը համաձայնել են Սիրիայում հրադադարին. լրատվամիջոցներ
ՍՏԵՓԱՆԱԿԵՐՏ, 18 հոկտեմբերի, ԱՐՑԱԽՊՐԵՍ:Այս մասին հայտնել է «Սիրիայի ժողովրդավարական ուժեր»-ի հրամանատար Մազլում Քոբանին, հայտնում է Tert.am-ը:
Քոբանիի խոսքով՝ այս համաձայնությամբ նրանք թույլ չեն տա Թուրքիային հասնել իր նպատակներին: Նա նշել է, որ պայմանավորվածությունը վերաբերում է Սիրիայի հյուսիսային սահմանամերձ շրջաններին, որոնք անցնում են Ռաս էլ-այն և Թալ Աբյադ քաղաքների միջև:
Ինչպես նշել է «Սիրիայի ժողովրդավարական ուժեր»-ի ներկայացուցիչ Էլդար Հալիլը, կրակը համաձայնեցվել է դադարեցնել «արյունահեղությունը կանխելու համար»: Նրա խոսքը մեջբերել է Al Hadath հեռուստաալիքը:
Հալիլն ընդգծել է, որ «զինադադարի մասին պայմանավորվածությունը քրդերի կողմից թուրքական զորքերին և նրանց վարձկաններին ցուցաբերած ուժեղ դիմադրության արդյունք է»:
Նա հստակեցրել է, որ կրակը կդադարեցվի հոկտեմբերի 18-ին՝ ժամը 00:00-ին:
Հոկտեմբերի 9-ին Թուրքիան հայտարարել էր Սիրիայի հյուսիսում «Խաղաղության ակունք» գործողության մեկնարկի մասին, որն ուղղված է «Քրդստանի աշխատավորական կուսակցության» և «Իսլամական պետություն» ահաբեկչական խմբավորման դեմ: Թուրքական ավիացիան հենց նույն օրը հարվածներ էր հասցրել երկու երկրների սահմանին գտնվող Ռաս էլ-Այն և Սիրիայի մի շարք այլ քաղաքների:
ԱՄՆ փոխնախագահ Մայք Փենսի, պետքարտուղար Մայք Պոմպեոյի և Թուրքիայի նախագահ Ռեջեփ Թայիփ Էրդողանի միջև հինգշաբթի կայացած բանակցությունների արդյունքում համաձայնություն է ձեռք բերվել Սիրիայում կրակի դադարեցման շուրջ: Ըստ հայտարարության ՝ Թուրքիան 120 ժամով կդադարեցնի Սիրիայում սկսած իր ռազմարշավը, որպեսզի քրդական զորամիավորումները դուրս բերվեն Սիրիայի հետ սահմանին ստեղծվող անվտանգության գոտուց:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -31-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ասկերանի շրջանի բնակիչը ձիով պայթել է հակահետևակային ականի վրա

Հզոր երկրաշարժ` Իրանում. այն զգացվել է Սյունիքի, Վայոց Ձորի, Արարատի մարզերում եւ Երեւանում

Հայաստանն առաջարկել է փրկարարարական ուժեր ուղարկել Իրանի երկրաշարժի գոտի

Ստեփանակերտում կազմակերպվել է ֆլեշ մոբ

Զինծառայողի մահվան դեպքի առթիվ քննվող քրեական գործով ձերբակալվել է ծառայակիցը

Արայիկ Հարությունյանը Արցախում կխրախուսի հարսանիքի՝ որպես նախնիներից եկած հաճելի ու պարտավորեցնող արարողության պահպանումը

«Ձա՛յն տուր, ո՜վ ծովակ». հայուհու կատարումը հիացրել է Ռուսաստանի «Ձայնը» շոուի ժյուրիի անդամներին. Տեսանյութ

Արայիկ Հարությունյանն առաջադրվել է նախագահի թեկնածու. կայացել է «Ազատ Հայրենիք» կուսակցության համագումարը

Ստեփանակերտում կկազմակերպվի «Իմ սեր Հայաստան» խորագրով ֆլեշմոբ

Search