Brexit-ի չեղարկումը ԵՄ-ի հետ գործարքի այլընտրանք Է մնում, որը չի ստանա խորհրդարանի աջակցությունը:
Brexit-ի չեղարկումն այլընտրանք Է մնում. Շոտլանդիայի ղեկավար
ՍՏԵՓԱՆԱԿԵՐՏ, 17 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին հայտարարել Է Շոտլանդիայի ազգային կուսակցության ղեկավար Նիկոլա Սթերջենը:
«Ինձ թվում Է, որ նրանցից ոչ ոք, ովքեր դեմ են քվեարկել Թերեզա Մեյի առաջարկած գործարքին,… չի քվեարկի այդ տարբերակի օգտին, որն Էլ ավելի քիչ գրավիչ Է դարձնում Brexit-ը: Brexit-ի չեղարկման տարբերակը միշտ Էլ մնում Է այդ գործարքի այլընտրանքը»,-գրել Է Սթերջենը Twitter-ում:
Նրա խոսքով՝ Շոտլանդիան միշտ Էլ հանդես Է եկել ԵՄ-ից դուրս գալու դեմ: «Brexit-ը ցույց տվեց, որ Շոտլանդիայի համար սեփական ապագայի որոշման միակ ճանապարհը մնում Է անկախությունը, ահա թե ինչու մենք պետք Է հաջորդ տարի երկրորդ հանրաքվեն անցկացնենք Մեծ Բրիտանինայի կազմից դուրս գալու շուրջ»,- ասել Է Շոտլանդիայի ղեկավարը:
Ինչպես արդեն տեղեկացվել Է, Մեծ Բրիտանիայի ընդդիմադիր Լեյբորիստական կուսակցության առաջնորդ Ջերեմի Քորբինը Brexit-ի վերաբերյալ համաձայնագիրը, որը ԵՄ-ի հետ համաձայնեցվել Է Միացյալ Թագավորության վարչապետ Բորիս Ջոնսոնի կողմից, Էլ ավելի ահավոր Է համարել, քան այդ պաշտոնում նրա նախորդի՝ Թերեզա Մեյի գործարքը: Նրա խոսքով՝ ներկայիս համաձայնագիրն սպառնալիքի տակ Է դնում Մեծ Բրիտանիայի պարենային անվտանգությունը, կհանգեցնի աշխատավորների իրավունքների եւ բնապահպանական ստանդարտների խախտման եւ հարված կհասցնի առողջապահության բրիտանական համակարգին:
«Այդ ծախու համաձայնագիրը չի միավորի մեր երկիրը, այն հարկավոր Է մերժել»,-հավելել Է բրիտանացի ընդդիմադիրը:
Բրիտանական խորհրդարանի Համայնքների պալատի պատգամավորները հոկտեմբերի 17-ին հավանություն են տվել շաբաթ օրը՝ հոկտեմբերի 19-ին, գործարքի շուրջ խորհրդարանական լսումներ անցկացնելուն: Դրանք պետք Է ավարտվեն քվեարկությամբ, հաղորդել Է ՌԻԱ Նովոստին:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -62-:
