Artsakhpress

Սփյուռք

Երևանում բացվեց պոլսահայ մարզիկ Շավարշ Քրիսյանի կիսանդրին

Հայաստանի ֆիզիկական կուլտուրայի և սպորտի պետական ինստիտուտի գլխամասային շենքին կից բացվեց 1915 թվականի թուրքական ռեպրեսիաների զոհ պոլսահայ մարզիկ Շավարշ Քրիսյանի կիսանդրին:

Երևանում բացվեց պոլսահայ մարզիկ Շավարշ Քրիսյանի կիսանդրին

Երևանում բացվեց պոլսահայ մարզիկ Շավարշ Քրիսյանի կիսանդրին
ՍՏԵՓԱՆԱԿԵՐՏ, 14 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Բացման արողությանը ներկա էին ինստիտուտի ուսանողադասախոսական կազմը, Հայ մարմնակրթական ընդհանուր միության (ՀՄԸՄ) հայաստանյան սկաուտական թևի մի խումբ ներկայացուցիչներ: Ողջույնի խոսքում` ՀՖԿՍՊԻ ռեկտորի պաշտոնակատար Դավիթ Խիթարյանն առանձնակի ընդգծեց Քրիսյանի` հայկական մարմնակրթական շարժման գործում ունեցած անգնահատելի դերը: «Եթե Պիեր դը Կուբերտենն իր մեծ ավանդն ունի ժամանակակից Օլիմպիական խաղերի կայացման գործում, ապա նույնատիպ մեծ աշխատանք է տարել հայկական սպորտի զարգացման հարցում Շավարշ Քրիսյանը»,-ասաց ռեկտորի պաշտոնակատարը:
ՀՖԿՍՊ ինստիտուտի մարզական լրագրության և շախմատի ամբիոնի նախաձեռնությամբ կազմակերպված կիսանդրու բացմանը ներկա էր նաև Շավարշ Քրիսյանը եղբոր թոռը, ով կրում է մեծանուն ազգականի անունը: Շավարշ Քրիսյան կրտսերը շեշտեց, որ հենց սպորտի միջոցով պետք է հանրահռչակել երկիրը` Հայաստանը:
ՀՖԿՍՊԻ մարզական լրագրության և շախմատի ամբիոնի վարիչ Ռոլանդ Շառոյանն է փաստեց, որ Քրիսյանը հայկական մարմնակրթության հիմնադիրն է` հոգևոր հայրը: «Կանցնեն հարյուրավոր տարիներ, բայց Շավարշ Քրիսյանի գաղափարները կմնան մեր երիտասարդ սերունդների մեջ»,-ասաց նա:
ՀՖԿՍՊ ինստիտուտի մարզական լրագրության և շախմատի ամբիոնում կա նաև Քրիսյանի անվան լսարան:
Շավարշ Քրիսյանը 1905 թվականին ավարտել է Փարիզի մարմնամարզական դասընթացները։ 1905 թվականից աշխատել է Կոստանդնուպոլսի հայկական վարժարաններում, 1911-1915 թվականներին հիմնադրել և խմբագրել է հայկական «Մարմնամարզ» մարզական թերթը։ 1914 թվականին հիմնադրել է Հայ մարմնամարզական ընդհանուր միությունը (ՀՄԸՄ): Նրա նախաձեռնությամբ Կոստանդնուպոլսում կայացել են հայկական առաջին Օլիմպիական խաղերը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -37-:

     

Քաղաքական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Արցախի նորընտիր նախագահն աշխատանքի է գնալու էլեկտրամոբիլով

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Սամվել Բաբայանը Արայիկ Հարությունյանին ընդդիմություն չի լինի. ի՞նչ են քննարկել նրանք, Սամվել Բաբայանը կստանա՞ պաշտոն

Մարտական դիրքում գլխի շրջանում ստացած հրազենային վնասվածքից զինծառայող է մահացել

Արցախի ՊԲ-ն հարվածային ԱԹՍ է փորձարկել, կսկսվի դրանց սերիական արտադրություն (տեսանյութ)

Արցախում պետական հաստատություններում անվճար կրթության հնարավորությունը կունենա հետադարձ ուժ. Վահրամ Պողոսյան

Search