Կապարի վահանակի վրա հայտնաբերված գրությունը, որ գիտնականները գտել են իսրայելական հինավուրց թատրոնի ավերակներում, անեծք է եղել:
Գիտնականները վերծանել են Հերովդես Մեծի թատրոնից հինավուրց անեծքի տեքստը
ՍՏԵՓԱՆԱԿԵՐՏ, 11 հոկտեմբերի, ԱՐՑԱԽՊՐԵՍ: Այս մասին հայտնում է News.am- ը՝ հղում անելով Live Science-ին։
Վահանակը պատրաստվել է մ․թ․ 6-րդ դարում։ Այն հայտնաբերվել է թատրոնի ավերակներում, որը տեղակայված է եղել Պաղեստինյան Կեսարիա քաղաքի տարածքում։ Հերովդես Մեծի կողմից կառուցված քաղաքն այն ժամանակ վերահսկվում էր Բյուզանդիայի կողմից։
Խորհրդավոր տեքստը, պարզվել է, անեծք է, որը պետք է վնաս հասցներ ոմն պարուհի Մաննին։ Գիտնականները ենթադրել են, որ անեծքի հեղինակը մեկ այլ պարուհի է եղել։ Անեծքը, որը հորինել է Մաննի մրցակցուհին, կազմված է 110 տողից։ Տեքստի հեղինակը դիմում է տարբեր աստվածների եւ սատանաների՝ խնդրելով կուրացնել Մաննին, կապել նրա ոտքերը, զրկել հավասարակշռությունից եւ այլ վնասներ պատճառել։
Վահանակը գտել են դեռեւս 20-րդ դարի կեսին, սակայն տեխնոլոգիաները, որոնք թույլ են տալիս վերծանել վատ պահպանված տեքստը, հայտնվել են միայն վերջին տարիներին։ Այդ նույն տեխնոլոգիաները կօգտագործվեն նաեւ այլ արտեֆակտներից հինավուրց տեքստեր վերծանելու համար, այնպես որ մեզ սպասում են այլ, ոչ պակաս զարմանալի հնագիտական բացահայտումներ։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -42-:
