Artsakhpress

Քաղաքական

Արայիկ Հարությունյանը՝ Փաշինյանի հետ հարաբերության և նախագահական ընտրությունների մասին

Արցախի Հանրապետության նախկին վարչապետ և պետական նախարար, «Ազատ հայրենիք» կուսակցության ղեկավար Արայիկ Հարությունյանը 2020 թվականին Արցախում կայանալիք նախագահական ընտրությունների ֆավորիտ թեկնածուներից է:

Արայիկ Հարությունյանը՝ Փաշինյանի հետ հարաբերության և նախագահական ընտրությունների մասին

Արայիկ Հարությունյանը՝ Փաշինյանի հետ հարաբերության և նախագահական ընտրությունների մասին
ՍՏԵՓԱՆԱԿԵՐՏ, 10 հոկտեմբերի, ԱՐՑԱԽՊՐԵՍ: Նախագահական ընտրություններից սպասվող արդյունքների, ՀՀ իշխանությունների հետ հարաբերությունների և մի շարք այլ հարցերի  մասին Araratnews-ը զրուցել է Արայիկ Հարությունյանի հետ:
Պարո՛ն Հարությունյան, «Ազատ հայրենիք» կուսակցության համագումարում ասել էիք՝ կհրապարակվի 2020-ին Արցախում կայանալիք նախագահական ընտրություններին Ձեր կողմից առաջադրվող թեկնածուի անունը: Հետաքրքիր է՝ ինչպե՞ս եք գնահատում Ձեր քաղաքական ուժի հնարավորությունները:
Թող անհամեստություն չլինի, բայց, կարծում եմ, շատ բարձր, այլապես գուցեև նման որոշման չգնայինք: Այդ վստահությունը հաստատեցին սեպտեմբերի 8-ին Արցախում կայացած տեղական ինքնակառավարման մարմինների ընտրությունները, որտեղ մեր կուսակցության անդամ և համակիր թեկնածուները ստացան ամենամեծ աջակցությունը՝ հանրապետության 228 համայնքներից 173-ում ընտրվելով համայնքի ղեկավարներ: Բացի այդ, գրեթե ամեն օր սոցիալական տարբեր խմբերի հետ եմ հանդիպում, որոնց մեծ մասը իրենց աջակցությունն է հայտնում մեր որդեգրած քաղաքական կուրսին ու այն ծրագրերին, որոնց մասին արդեն հայտարարել ենք: Այս օրերին հարյուրավոր քաղաքացիներ են դիմում նաև կուսակցությանն անդամագրվելու նպատակով, որոնց գերակշիռ մասը երիտասարդներ են: Սա նշանակում է, որ մարդիկ հավատում են մեզ, որ այն ճանապարհը, որով փորձում ենք առաջ տանել մեր երկիրը, ճիշտ ու ընկալելի է մարդկանց մեծ մասի համար: Ինչն էլ մեզ և՛ ոգևորում է, և՛ պարտավորեցնում:
Իսկ Ձեր քաղաքական թիմը պատրա՞ստ է արդյոք ստանձնելու երկրի կառավարման մեծ պատասխանատվությունը:
Եթե անկեղծ լինենք, ապա անցած ավելի քան մեկ տասնամյակի ընթացքում մեր քաղաքական թիմը նախագահ Բակո Սահակյանի կողմից մեծ բաժին պատասխանատվություն էր ստացել, որն, ըստ իս, պատվով ենք կատարել: «Ազատ հայրենիք» կուսակցությունը Արցախի քաղաքական դաշտում արդեն մեկուկես տասնամյակ ակտիվ գործունեություն է իրականացնում: Պետք է նշեմ, որ այդ ընթացքում երեք անգամ մասնակցել ենք խորհրդարանական ընտրությունների և ամեն անգամ ժողովրդի կողմից ստացել ավելի շատ քվե, քան նախորդներին: Համոզված եմ՝ վստահության այդ կապիտալն այսօր էլ չի պակասել: Երբեք չենք վախեցել հավակնոտ խոստումներից ու այսօր էլ նոր նշաձող ենք սահմանել այն ծրագրերի համար, որոնք պատրաստվում ենք իրականացնել: Այո՛, մենք կարող ենք, ու համոզված եմ, որ մեզ հավատում են…
Պարո՛ն Հարությունյան, շատ է խոսվում ՀՀ իշխանությունների հետ ունեցած Ձեր ջերմ հարաբերությունների մասին: Այդ խոսակցություններն ինչքանո՞վ են համապատասխանում իրականությանը, և եթե, իսկապես, այդպես է, ինչո՞վ է այն պայմանավորված:
Ես երբեք չեմ թաքցրել ՀՀ իշխանությունների հետ իմ սերտ շփումները և կարող եմ վերահաստատել, որ հաճախակի հանդիպումներ եմ ունենում թե՛ ՀՀ վարչապետ Նիկոլ Փաշինյանի, թե՛ Ազգային ժողովի նախագահ Արարատ Միրզոյանի և թե՛ ՀՀ բարձրաստիճան այլ պաշտոնյաների հետ: Այդ հանդիպումները, բացի պարզ ու մարդկային հարաբերություններից, օգտակար են այն իմաստով, որ մեր երկրի առաջ ծառացած բազմաթիվ հարցեր ենք քննարկում:
Կարո՞ղ ենք ենթադրել, որ Արցախից նախկին որոշ պաշտոնյաների կամ բարձրաստիճան զինվորականների կողմից ՀՀ իշխանությունների դեմ հնչող հայտարարություններին բացասական եք վերաբերվում:
Նախ պետք է ընդգծեմ, որ որևէ տարբերություն չկա, թե կարծիքը, հայտարարությունը կամ մեկնաբանությունը Արցախից է հնչում, թե, օրինակ, Գյումրիից: Հաջորդը՝ պետք է հստակեցնենք, թե խոսքն ինչի մասին է՝ առողջ քննադատությա՞ն, թե՞ չփաստարկված մտահոգությունների: Հստակ է, որ ՀՀ իշխանություններին ընտրել է ՀՀ ժողովուրդը, և ոչ ոք իրավունք չունի չհարգել այդ ընտրությունը: Եթե խոսքն այդ տրամաբանությունից դուրս է, ուրեմն այդ մարդիկ, իրավիճակին չեն տիրապետում:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -39-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Ադրբեջանցի հայտնի կոմպոզիտորի թոռը Կիևում կացնահարվել է

Search