Artsakhpress

Քաղաքական

ԱԺ պատգամավորը ԵԱՀԿ ԽՎ-ում հակադարձել է ԼՂՀ-ի վերաբերյալ ադրբեջանցի պատգամավորի ստահոդ ելույթին

ՀՀ ազգային ժողովի պատգամավոր Հայկ Կոնջորյանը ԵԱՀԿ խորհրդարանական վեհաժողովում անդամ երկրների պատվիրակների առաջ բացահայտել է Լեռնային Ղարաբաղի հարցում Ադրբեջանի ագրեսիվ քաղաքականությունը` կտրուկ հակադարձելով ադրբեջանցի պատգամավորի հայտարարությանը:

ԱԺ պատգամավորը ԵԱՀԿ ԽՎ-ում հակադարձել է ԼՂՀ-ի վերաբերյալ ադրբեջանցի պատգամավորի ստահոդ ելույթին

ԱԺ պատգամավորը ԵԱՀԿ ԽՎ-ում հակադարձել է ԼՂՀ-ի վերաբերյալ ադրբեջանցի պատգամավորի ստահոդ ելույթին
ՍՏԵՓԱՆԱԿԵՐՏ, 10 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Կոնջորյանն այս մասին խոսեց Ազգային ժողովում հրավիրված ասուլիսում:
«Հիմնական հանձնաժողովի նիստում ադրբեջանական պատվիրակության ներկայացուցիչը ևս մեկ անգամ  փորձեց ԼՂՀ-ի հարցով մանիպուլացնող հայտարարություն անել: Սակայն հայկական պատվիրակությունը մշտապես պատրաստ է նմանատիպ ելույթներին պատշաճ պատասխան տալու: Ադրբեջանական պատվիրակության անդամը խնդրել էր ելույթի համար ավելի երկար ժամանակ տրամադրել` հերթական անգամ շեշտելով իրենց միակողմանի դիրքորոշումը ԼՂՀ-ի հարցում: Պատվիրակը նաև ցինիկ հայտարարություն էր արել` հռետորական հարց ուղղելով, թե ով է Լեռնային Ղարաբաղի ժողովուրդը: Եվ ես իմ շուրջ 10 րոպե տևողությամբ ելույթում ճշգրտումներ եմ արել, նշել, որ Լյուքսեմբուրգում ԵԱՀԿ ԽՎ-ի ընդունած տարեկան հռչակագրով հստակ ֆիքսվել է, որ ԼՂՀ հակամարտությունը պետք է լուծվի 3 սկզբունքների` ուժի կամ ուժի սպառնալիքի չկիրառման, տարածքային ամբողջականության և ազգերի ինքնորոշման հիման վրա, և ադրբեջանական պատվիրակությունը կողմ է քվեարկել ընդհանուր հռչակագրին»,-ասաց Կոնջորյանն ու նշեց` ադրբեջանցիները, մերժելով ազգերի ինքնորոշման և մարդկանց իրավունքների դրույթը, ըստ էության հակասում են իրենք իրենց:
Կոնջորյանը հակադարձել է Ադրբեջանի կողմից Լեռնային Ղարաբաղի հակամարտության վերաբերյալ աղավաղված տեղեկություններին: Պատգամավորը ԵԱՀԿ անդամ պետությունների ներկայացուցիչներին ներկայացրել է նաև օրեր առաջ Տավուշում ադրբեջանական կողմի կրակոցների արդյունքում զոհված հայ զինծառայողի մասին: Կոնջորյանը նաև շեշտել է Ադրբեջանում հայատյացության խորը մակարդակի մասին, հիշեցրել հայ սպային քնած ժամանակ կացնահարած ադրբեջանցի Ռամիլ Սաֆարովի մասին:
Հայ պատգամավորի ելույթից հետո կառույցում բավականին առանցքային երկրների ներկայացուցիչներ մոտեցել են իրեն, գոհունակություն հայտնել ելույթի համար, հետաքրքրվել, թե իրականում ով է Ռամիլ Սաֆարովը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -36-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Ադրբեջանցի հայտնի կոմպոզիտորի թոռը Կիևում կացնահարվել է

Search