Ստեփանակերտ քաղաքի ավագանու նորընտիր 15 անդամներից 8-ի կողմից ձևավորվել է առանձին խումբ, որտեղ ընդգրկվել են «Ազատ հայրենիք», «Քաղաքացիական միացյալ դաշինք» կուսակցությունների և անկուսակացական անդամներ:
Ստեփանակերտի ավագանու նորընտիր 15 անդամներից 8-ը խումբ են ձևավորել
ՍՏԵՓԱՆԱԿԵՐՏ, 9 հոկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրուցյում «Ազատ հայրենիք» կուսակցության անդամ Ռադիկ Աբրահամյանը, խոսելով վերահսկող մանդատ ձևավորելու վերաբերյալ, ասել է, որ դրա նպատակն է նոր որակ հաղորդել մայրաքաղաքի ավագանու ինստիտուտի կայացմանը և առավել արդյունավետ աշխատանքին:
Որպես վերընտրված ավագանու անդամ՝ Ռ. Աբրահամյանն անհրաժեշտ է համարում այդ կառույցի ստեղծումը:
Ըստ նրա՝ այն առաջին հերթին նպաստելու է ավագանու ինստիտուտի կատարած աշխատանքների թափանցիկությանը:
«Կարծում եմ՝ խմբի անդամներս, կկարողանանք իրականացնել մեր համաքաղաքացիների ցանկությունները և կթեթևացնենք նրանց մտահոգությունները»,- նշել է Ռ. Աբրահամյանը:
«Քաղաքացիական միացյալ դաշինք» կուսակցության ղեկավար Արամ Հարությունյանի խոսքով՝ խմբի ձևավորումը նպատակ է հետապնդում կարևորելու ավագանու ինստիտուտը, և նրա կողմից իրականացվող աշխատանքները:
«Պետք է բարձրացնենք ավագանու ինտիստուտի առաքելությունը: Ստեփանակերտի ավագանու անդամներ ընտրված անձինք մշտապես պետք է մտահոգված լինեն մայրաքաղաքի խնդիրներով: Քաղաքացիների հետ անհրաժեշտ է իրականացնել մի շարք թափանցիկ աշխատանքներ՝ ի նպաստ մեր քաղաքի զարգացմանը»,-ավելացրել է Ա. Հարությունյանը՝ նշելով, որ արդեն հանդիպել է խմբի անդամների հետ:
Նշենք, որ խմբին ընդունել է «Ազատ Հայրենիք» կուսակցության ղեկավար Արայիկ Հարությունյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -41-:
