Artsakhpress

Մշակույթ

Կիմ Բակշիի աճյունափոշին կամփոփվի Շուշիում և Գառնու կիրճում

Ռուսաստանցի գրող և կինոդրամատուրգ, հայագետ ու հայ ժողովրդի բարեկամ Կիմ Բակշիի աճյունափոշու մի հատվածը հոկտեմբերի 3-ին կամփոփվի Գառնիի կիրճում, իսկ մյուս մասը՝ հոկտեմբերի 4-ին՝ Արցախում` Շուշիում։

Կիմ Բակշիի աճյունափոշին կամփոփվի Շուշիում և Գառնու կիրճում

Կիմ Բակշիի աճյունափոշին կամփոփվի Շուշիում և  Գառնու կիրճում
ՍՏԵՓԱՆԱԿԵՐՏ, 2 հոկտեմբերի, ԱՐՑԱԽՊՐԵՍ-ԱՐՄԵՆՊՐԵՍԲակշիին նվիրված հուշ–ցերեկույթի ժամանակ այս մասին ասաց միջոցառման կազմակերպիչ, «Հայաստանի պետական ֆիլհարմոնիա» ՊՈԱԿ-ի տնօրեն Գագիկ Մանասյանը։
«Բակշին իր կտակում գրել էր, որ իր աճյունափոշին շաղ տան Գառնիի կիրճում և Շուշիում։ Հայ առաքելական եկեղեցու կանոնակարգով նման գործընթաց չի կարելի, այդ պատճառով Գառնու կիրճում, «Քարերի սիմֆոնիա»-ին կից մի աղբյուր կտեղադրվի, որտեղ նաև կամփոփվի աճյունափոշին։ Շուշիում նույնպես նման արարողություն կկայանա»,- նշեց Մանասյանը և հավելեց, որ Բակշին արդեն 30 տարի հայ ժողովրդի լավագույն բարեկամն էր։
Նրա խոսքով՝ շատերն են Հայաստանի մասին ստեղծագործություններ գրել, սակայն այդքան հավատարիմ չեն եղել:
Ռուսաստանի հայերի միության փոխնախագահ Լուսիկ Ղուկասյանն ընդգծեց, որ Կիմ Բակշին մեծ ավանդ է ներդրել հայ մշակույթի պատմության մեջ և հենց նրա շնորհիվ շատերն են իմացել ոչ միայն Մատենադարանի, այլ նաև Արցախում և Հայաստանում առկա գանձերի մասին։
«Անկեղծ ասած` երբ դպրոցում նրա գրքերն էինք կարդում, ինձ թվում էր` Բակշին հայ է։ Իրականում շատերն են կարծում, որ նա հայ է, կարծում եմ` ինքն էլ հոգու խորքում իրեն հայ էր համարում»,–նշեց Ղուկասյանը։
Նա նաև տեղեկացրեց, որ հոկտեմբերի 2-ին գրողի այրին` Պոլինա Բոգդանովան ժամանելու է Հայաստան՝ մասնակցելու Բակշիի աճյունափոշու ամփոփման արարողություններին։
Գրողի հիշատակին կազմակերպված հուշ–ցերեկույթի ժամանակ ցուցադրվեց ռեժիսոր Հովիկ Հախվերդյանի և Կիմ Բակշիի` «Մատենադարան» ֆիլմի 6–րդ մասը։
Բակշին 30 տարի Հայաստան է այցելել, Հայաստանի մասին գրել 10 գիրք, այդ թվում` «Արցախի գանձերը» վերնագրով մի գիրք։
Կիմ Բակշին մահացել է 2019 թ․ մարտի 5-ին Մոսկվայում։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -52-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սեպտեմբերի 1-ից բարձրագույն կրթությունը կդառնա անվճար. Նախագահ Հարությունյանը «Վերջին զանգի» առթիվ շնորհավորական ուղերձ է հղել

Խոշոր ավտովթար Մարտունի-Ննգի-Ստեփանակերտ ավտոճանապարհին

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

«Ֆլեշ» ընկերությունն Արցախում նվազեցրել է բենզինի տեսականու և դիզվառելիքի գները

Նախագահ Արայիկ Հարությունյանը նոր նշանակումներ է արել

«Անվճար կրթությունն Արցախում խարսխված կլինի որակի ապահովման վրա». Լուսինե Ղարախանյան

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Search