Artsakhpress

Մշակույթ

Լոս Անջելեսում այս ամիս տեղի կունենա Ազնավուրի հիշատակին նվիրված «Շառլ» կենսագրական մյուզիքլի պրեմիերան

Աշխարհահռչակ ֆրանսահայ շանսոնյե Շառլ Ազնավուրի կյանքին ու գործունեությանը նվիրված կենսագրական մյուզիքլի պրեմիերան տեղի կունենա հոկտեմբերին՝ Լոս Անջելեսի The Hotel Café-ում:

Լոս Անջելեսում այս ամիս տեղի կունենա Ազնավուրի հիշատակին նվիրված «Շառլ» կենսագրական մյուզիքլի պրեմիերան

Լոս Անջելեսում այս ամիս տեղի կունենա Ազնավուրի հիշատակին նվիրված «Շառլ» կենսագրական մյուզիքլի պրեմիերան
ՍՏԵՓԱՆԱԿԵՐՏ, 2 հոկտեմբերի, ԱՐՑԱԽՊՐԵՍ: Այս մասին, tert.am-ի փոխանցմամբ, գրում է asbarez.com-ը:
Ամերիկաբնակ Թալին Բաբայանի հեղինակած «Շառլ» ստեղծագործությունը կյանքի է կոչվել՝ հիմնվելով հավաստի աղբյուրների վրա. ուսումնասիրվել են հայտնի շանսոնյեի չտպագրված երկու ինքնակենսագրականները: Մյուզիքլում հնչելու են շանսոնյեի ավելի քան 15 սիրված երգեր:
Մյուզիքլում ներկայացված է լեգենդար երգչի ստեղծագործական ուղին`անձնական և մասնագիտական ոլորտներում երգչի շարունակական պայքարը մինչև իր սիրելի Ֆրանսիայում և ողջ աշխարհում փառքի գագաթնակետին հայտնվելը: Մյուզիքլի հանդիսատեսը հնարավորություն կունենա Ազնավուրի հետ անցնելու նրա պայքարի ճանապարհը. շանսոնյեի հետ կսկսի երաժշտական ասպարեզում երգչի առաջին փոքր քայլերը, կպայքարի` որպես կամային մեծ հատկանիշներ ունեցող երաժիշտ և անհատականություն, որը «զենքերը վայր չէր դնում» նույնիսկ Երկրորդ համաշխարհային պատերազմի տարիների օկուպացված Ֆրանսիայում, կհաղթահարի սուր քննադատությունը, կհետևի հանրահայտ երգչուհի Էդիթ Պիաֆի և շանսոնյեի ստեղծագործական թռիչքին:
90 րոպե տևողությամբ շոուն յուրօրինակ հարգանքի տուրք է հանդիսանալու Ֆրանսիայի` երաժշտության ոսկե դարաշրջանի կարկառուն ներկայացուցչի հիշատակին` հանդիսատեսի ուշադրությունը հրավիրելով երգչի խարիզմատիկ և տպավորիչ անհատականության վրա, որը երգչի, երգահանի, դերասանի, դիվանագետի և մեծ հումանիստի կերպարների հրաշալի համադրություն է:
Մյուզիքլն ԱՄՆ-ում գործող Boundaryless Productions-ի արտադրությունն է` Թալին Բաբայանի և երաժիշտ Հարութ Սողոմոնյանի անմիջական ղեկավարությամբ: «Շառլ» մյուզիքլում երաժշտի կերպարը կմարմնավորեն ամերիկաբնակ Մորիս Սուջյանը և Բերնարդ Բայերը, իսկ Էդիթ Պիաֆի դերում հանդես կգա դերասանուհի Մարիետ Սուջյանը:
«Ազնավուրը հաջողության հասավ ոչ միայն իր ժանրում, նա հաջողեց նաև այլ ժանրերում` միևնույն ժամանակ հավատարիմ մնալով իր ձեռագրին: Ազնավուրի հետքը համաշխարհային երաժշտության մեջ անջնջելի է»,- ասել է Թալին Բաբայանը:
«Շառլ»-ի պրեմիերան տեղի կունենա հոկտեմբերի 12-ին` ժամը 19:00-ին, Հոլիվուդի The Hotel Café կենտրոնի բեմում:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -27-:
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Պուտինի ղեկավարած զորավարժության ժամանակ արտակարգ դեպք է եղել

Հայ մարտիկը 27 վայրկյանում նոկաուտի է ենթարկել ադրբեջանցուն

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Ադրբեջանցի հայտնի կոմպոզիտորի թոռը Կիևում կացնահարվել է

Այսօր հայազգի բարերար Լևոն Հայրապետյանի հիշատակի օրն է

Search