ԱՀ նախագահ Բակո Սահակյանի հետ քննարկել ենք Արցախում թեթև աթլետիկայի զարգացման վերաբերյալ մի շարք հարցեր:
Պետք է անել ամեն ինչ, որպեսզի Արցախում էլ ավելի զարգանա թեթև աթլետիկան. Ռոբերտ Էմմիյան
ՍՏԵՓԱՆԱԿԵՐՏ, 19 սեպտեմբերի, ԱՐՑԱԽՊՐԵՍ: ԱՀ նախագահի հետ հանդիպումից հետո այս մասին «Արցախպրես»-ի թղթակցի հետ զրույցում ասել է հայազգի հայտնի հեռացատկորդ, Եվրոպայի, ԽՍՀՄ-ի և հանրապետության բազմակի չեմպիոն, բարի կամքի խաղերի հաղթող, Եվրոպայի ռեկորդակիր Ռոբերտ Էմմիյանը:
Արցախում լինելն իր համար մեծ պատիվ և ուրախություն է:
Խոսելով Արցախում թեթև աթլետիկայի զարգացման մասին՝ մեր զրուցակիցը մասնավորապես ավելացրել է. «Արցախի թեթև աթլետիկայի ֆեդերացիան անում է ամեն ինչ, որպեսզի մարզիկները կարողանան հանդես գալ ոչ միայն հանրապետությունում, այլև միջազգային հարթակներում՝ սահմանելով ռեկորդներ: Թեթև աթլետիկան կարևոր է առողջության համար: Պետք է անել ամեն ինչ, որպեսզի Արցախում էլ ավելի զարգանա թեթև աթլետիկան, որի համար կան նախադրյալներ: ԱՀ նախագահն իր պատրաստակամությունն է հայտնել աջակցելու մեր ծրագրերին»:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -27-:
