Վարչապետ Նիկոլ Փաշինյանը որոշում է կայացրել ԱԱԾ տնօրենի տեղակալ Էդուարդ Մարտիրոսյանին նշանակել ԱԱԾ տնօրենի պարտականությունների ժամանակավոր կատարող:
ՀՀ վարչապետն ԱԱԾ տնօրենի և Ոստիկանապետի ժամանակավոր պաշտոնակատարներ է նշանակել
ՍՏԵՓԱՆԱԿԵՐՏ, 19 սեպտեմբերի, ԱՐՑԱԽՊՐԵՍ: Այդ մասին վարչապետը նշեց կառավարության նիստի մեկնարկին՝ ավելացնելով, որ Ոստիկանության պետի առաջին տեղակալ Արման Սարգսյանին նշանակել է ոստիկանապետի ժամանակավոր պաշտոնակատար:
«Տեղեկացնեմ, որ ՀՀ օրենսդրությամբ սահմանված կարգավիճակ է սա, և մեր գործընկերները այդ կարգավիճակում ունեն լիարժեք լիազորություն ղեկավարելու երկու համակարգերը: Ես ուզում եմ հաջողություն մաղթել և շնորհավորել մեր գործընկերներին: Ֆորմալ առումով մենք սպասում ենք նախագահի կողմից այդ հրամանագրերի ստորագրմանն ու հրապարակմանը»,- ասաց Նիկոլ Փաշինյանը:
Վարչապետ Նիկոլ Փաշինյանի միջնորդությամբ Արթուր Վանեցյանը և Վալերի Օսիպյանն ազատվել են ԱԱԾ տնօրենի և Ոստիկանության պետի պաշտոններից: Օսիպյանը նշանակվել է վարչապետի գլխավոր խորհրդական:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -23-:
