Artsakhpress

Տնտեսական

Հատուկ ուշադրություն է դարձվելու տնտեսության ճյուղերի, ենթակառուցվածքների և սոցիալական նշանակության այլ ծրագրերի իրականացմանը. նախարար

Գյուղատնտեսական ոլորտի ծախսերը միջնաժամկետ ծախսերի ծրագրով նախատեսվում է 2020 թվականի համար 5,242.2 մլն դրամ, 2021թ-ի համար 5,318.7 մլն դրամ և 2022թ-ին՝ 5,364.8 մլն դրամ՝ 2019 թվականի 5,082.3 մլն դրամի դիմաց:

Հատուկ ուշադրություն է դարձվելու տնտեսության ճյուղերի, ենթակառուցվածքների և սոցիալական նշանակության այլ ծրագրերի իրականացմանը. նախարար

Հատուկ ուշադրություն է դարձվելու  տնտեսության ճյուղերի, ենթակառուցվածքների  և  սոցիալական նշանակության    այլ  ծրագրերի իրականացմանը. նախարար
ՍՏԵՓԱՆԱԿԵՐՏ, 18 սեպտեմբերի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ,  այս  մասին,   այսօր՝ սեպտեմբերի 18-ին,  տեղի  ունեցած  ԱՀ կառավարության նիստին  ասել է   ԱՀ  ֆինանսների նախարար Արթուր Հարությունյանը՝  ներկայացնելով  Արցախի Հանրապետության 2020-2022 թվականների պետական միջնաժամկետ ծախսերի ծրագիրը հաստատելու մասին կառավարության որոշման  նախագիծը:
Ըստ   նախարարի՝   տնտեսական հարաբերությունների մասով ծրագրով նախատեսվում է հատկացնել համապատասխանաբար 2020թ-ին՝  12, 046.9 մլն, 2021թ-ին՝ 12,127.6 մլն և 2022-ին՝  12,139.1 մլն դրամ` 2019 թվականի 11,526.2 մլն դրամի դիմաց:
«Նախատեսված գումարներն  ուղղվելու են ԱՀ  տնտեսական քաղաքականության արդյունավետության բարձրացմանը, գործարար միջավայրի բարելավմանը, փոքր և միջին ձեռնարկատիրության աջակցմանը, պետություն-մասնավոր հատված համագործակցության խորացմանը, ինչպես նաև «Ընթացիկ նորոգման, բարեկարգման և կոմունալ տնտեսության գծով Արցախի Հանրապետության շրջանների կարողությունների զարգացման» ծրագրի իրականացմանը: Կապիտալ ներդրումների գծով 2020 թվականին պլանավորվում է  իրականացնել 19.2 մլրդ, 2021 թվականին՝ 21.9 մլրդ և 2022 թվականին՝ 25.8 մլրդ դրամի չափով աշխատանքներ: Հատկացված միջոցների հաշվին իրականացվող աշխատանքների շրջանակում հատուկ ուշադրություն է դարձվելու բնակարանաշինության ծրագրերի ինչպես նաև տնտեսության ճյուղերի և ենթակառուցվածքների զարգացմանն ու սոցիալական նշանակություն ունեցող բազմաթիվ այլ ծրագրերի իրականացմանը: Սոցիալական պաշտպանության ոլորտի մասով միջնաժամկետ ծախսերի ծրագրով նախատեսվում է 2020թ-ին  հատկացնել 26,846.7 մլն, 2021թ-ին՝  28,586  մլն և 2022 թ-ին՝  30,427.9 մլն դրամ՝ 2019 թվականի 23,641 մլն դրամի դիմաց: Սոցիալական պաշտպանության ոլորտի ծախսերի ավելացումy հիմնականում պայմանավորված է 2020 թվականի հունվարի 1-ից կենսաթոշակի չափի 10 %-ով բարձրացմամբ, որը նույն չափով շարունակելու է աճել նաև 2021 և 2022 թվականներին: Ինչի արդյունքում սոցիալական պաշտպանության ոլորտին լրացուցիչ հատկացվել է 2020 թվականի համար 1,236.1 մլն դրամ, 2021 թվականի համար 1,339.4 մլն և 2022 թվականի համար 1,485.8 մլն դրամ»,-մասնավորապես  ասել է  Ա.  Հարությունյանը:
Նախարարը  նշել  է  նաև, որ  առողջապահական համակարգի ծախսերը 2020 թվականին   կկազմեն 7,286.4 մլն դրամ` 2019 թ-ի՝ 6,923.4 մլն դրամի դիմաց, 2021թ-ին   կկազմեն 6,867.0 մլն  և 22թ-ին՝   6,689.7 մլն դրամ: Կրթության, գիտության և սպորտի ոլորտի համար 2020-2022 թվականների միջնաժամկետ ծախսերի ծրագրով նախատեսված հատկացումները կազմում են համապատասխանաբար 15,572.3 մլն, 15,610.5 մլն և 15,614.8 մլն դրամ՝ 2019 թվականի 14,789.2 մլն դրամի դիմաց:
«Հանրակրթական դպրոցների ծախսերը 2020 թվականին նախատեսվում են` 10,738.8 մլն դրամի չափով, կամ ավել 2019 թ-ի ծրագրավորված ծախսերից 688.2 մլն դրամով, որը հիմնականում պայմանավորված է 2020թ-ի հունվարի 1-ից հանրակրթական դպրոցների ուսուցիչների աշխատավարձերի 10 %-ով և տնօրենների ու փոխտնօրենների աշխատավարձերի  5 %-ով բարձրացմամբ: Պետական իշխանության մարմինների 2020-2022 թվականների պահպանման ծախսերը 2019 թվականի համեմատ նախատեսվում է ավելացնել համապատասխանաբար 2020թ-ին՝ 1,612.9 մլն, 2021թ-ին՝ 1777.9 մլն և 22թ. 154.7 մլն  դրամով, որը պայմանավորված է պետական կառավարման համակարգի աշխատողների համար 2020թ-ի  15%-ի, չափով իսկ հետագա տարիներին՝ 30 %-ի չափով պարգևատրման ֆոնդի նախատեսմամբ և պետական ծառայողների աշխատավարձերի բնականոն աճերի հաշվարկմամբ»,-ավելացրել  է  Ա. Հարությունյանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -41-: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Search