Artsakhpress

Տնտեսական

Պետական բյուջեների ձևավորումը միջնաժամկետ հատվածում կընթանա բյուջետային ծախսերի նկատմամբ եկամուտների գերազանցմամբ. Ա. Հարությունյան

Հարկային եկամուտները և պետական տուրքերը պետական միջնաժամկետ ծախսերի ծրագրով 2020 թվականին նախատեսվել են 52 մլրդ 180 մլն դրամ, 2021թ-ին՝ 58 մլրդ 200 մլն և 2022-ին՝ 65 մլրդ 200 մլն դրամի չափով, որի արդյունքում կանխատեսումային «Հարկեր/ՀՆԱ» հարաբերակցությունը կկազմի համապատասխանաբար 14, 14.2 և 14.4 %:

Պետական բյուջեների ձևավորումը միջնաժամկետ հատվածում կընթանա բյուջետային ծախսերի նկատմամբ եկամուտների գերազանցմամբ. Ա. Հարությունյան

Պետական բյուջեների ձևավորումը միջնաժամկետ հատվածում կընթանա բյուջետային ծախսերի նկատմամբ եկամուտների գերազանցմամբ. Ա. Հարությունյան
ՍՏԵՓԱՆԱԿԵՐՏ, 18 սեպտեմբերի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ,  այս  մասին,   այսօր՝ սեպտեմբերի 18-ին,  տեղի  ունեցած  ԱՀ կառավարության նիստին  ասել է ԱՀ ֆինանսների նախարար Արթուր Հարությունյանը՝  ներկայացնելով  Արցախի Հանրապետության 2020-2022 թվականների պետական միջնաժամկետ ծախսերի ծրագիրը հաստատելու մասին կառավարության որոշման նախագիծը:
Ըստ   նախարարի՝   այլ եկամուտները 2020-2022 թվականների համար ծրագրվել են տարեկան 500 մլն դրամի չափով` հաշվի առնելով գանձման համար պատասխանատու պետական կառավարման մարմինների կողմից բյուջետային գործընթացի շրջանակում համապատասխան հայտերով ներկայացված կանխատեսումները, կատարված օրենսդրական  փոփոխությունները, ինչպես նաև առանձին եկամտատեսակների գծով նախորդ տարիներին արձանագրված հավաքագրումները:
«Միջպետական վարկի չափը 2020 թվականին կկազմի 65.6 մլրդ դրամ կամ 2019 թվականի համեմատ ավել 7.7 մլրդ դրամով (13.4 %-ով), 2021 թվականին կկազմի 71.2 մլրդ և 2022 թվականին 78.5 մլրդ դրամ: Միջնաժամկետ ծախսերի ծրագրով պետական բյուջեների ընդհանուր ծախսերը պլանավորվում է հետևալ չափերով՝ 2020թ-ի   համար 118,015.4 մլն դրամ` 2019 թ-ի  114,410.5 մլն դրամի դիմաց, կամ ավել 3,604.9 մլն դրամով, 2021թվականի   համար պլանավորվում է 124,194.5 մլն դրամ և 2022-ին՝    130,164  մլն դրամ (աճը կազմում է 5.2 և 4.8 %): ՀՆԱ-ում ծախսերի մակարդակը կկազմի համապատասխանաբար 31.6, 30.2 և 28.7 %, ընթացիկ տարվա 33.8 %-ի դիմաց: Պետական բյուջեների ձևավորումը միջնաժամկետ հատվածում կընթանա բյուջետային ծախսերի նկատմամբ եկամուտների գերազանցմամբ, որի արդյունքում 2020 թվականի պրոֆիցիտը կկազմի 238.9 մլն դրամ, 2021 թվականին 5,7 մլրդ դրամ և 2022 թվականին 14 մլրդ դրամ, որը նախատեսվում է ուղղել նախորդ տարիների դեֆիցիտի մարման համար ներգրավված փոխառու միջոցների գծով վճարումների  իրականացմանը»,-ավելացրել   է   Ա. Հարությունյանը:
Նրա  խոսքով՝   միջնաժամկետ ծախսերի ծրագրով առաջարկվող բյուջետային ծախսերի ծավալների, կազմի ու կառուցվածքի ձևավորման ընթացքում առաջնորդվել են  բյուջետային նորմատիվների և ծախսային ուղենիշերի ու առաջնահերթ գերակայությունների, ինչպես նաև ֆինանսական կարգապահության կանոնների խիստ պահպանման սկզբունքով, որն իր հերթին կանխատեսվել է տնտեսության զարգացման տեմպերի ապահովմանն ուղղված Կառավարության քաղաքականությանը  համապատասխան:
«Ընդհանուր առմամբ կարող ենք նշել, որ միջնաժամկետ ծախսերի ծրագրի կազմման հիմքում դրվել են հետևյալ սկզբունքները` կայուն տնտեսական աճի ներուժի բարձրացում, ենթակառուցվածքների զարգացում, եկամուտների հավասարակշռված և արդյունավետ հավաքագրում, ինչպես նաև գործարար միջավայրի բարելավում և ֆինանսական կարգապահության ուժեղացում, նպատակ ունենալով ինչպես ապահովել նախորդ տարիների ձեռքբերումների շարունակական զարգացումը, այնպես էլ նախադրյալներ ձևավորելու տնտեսական, սոցիալական և մնացած բոլոր համակարգերում իրատեսական բարեփոխումների իրականացման շարունակականությունն ապահովելու համար»,-մասնավորապես  ասել  է  Ա. Հարությունյանը:

Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -38-: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Search