Artsakhpress

Տնտեսական

Առաջին կիսամյակի արդյունքներով Արցախում ՀՆԱ-ն նախորդ տարվա նույն ժամանակահատվածի համեմատ աճել է 9.6 %-ով. նախարար

ԱՀ կառավարության նիստին, այսօր՝ սեպտեմբերի 18-ին, ԱՀ ֆինանսների նախարար Արթուր Հարությունյանը ներկայացրել է Արցախի Հանրապետության 2020-2022 թվականների պետական միջնաժամկետ ծախսերի ծրագիրը հաստատելու մասին կառավարության որոշման նախագիծը:

Առաջին կիսամյակի արդյունքներով Արցախում ՀՆԱ-ն նախորդ տարվա նույն ժամանակահատվածի համեմատ աճել է 9.6 %-ով. նախարար

Առաջին  կիսամյակի  արդյունքներով  Արցախում  ՀՆԱ-ն  նախորդ տարվա նույն ժամանակահատվածի համեմատ աճել  է 9.6 %-ով. նախարար
ՍՏԵՓԱՆԱԿԵՐՏ, 18 սեպտեմբերի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝    Ա. Հարությունյանն  իր  ելույթում   ասել  է, որ  միջնաժամկետ ծախսերի ծրագիրը հիմք է ծառայում պետական բյուջեի նախագծի մշակման աշխատանքների համար, և հանդիսանում բյուջետային գործընթացի հիմնական բաղադրիչներից  մեկը:
Նրա  խոսքով՝   ընթացիկ տարվա առաջին կիսամյակի արդյունքներով համախառն  ներքին արդյունքն իրական արտահայտությամբ նախորդ տարվա  նույն ժամանակահատվածի համեմատ աճել է 9.6 տոկոսով:
 
«Ըստ մեր կանխատեսումների, 2019 թվականի համախառն ներքին արդյունքը կկազմի 338.8 մլրդ դրամ, որի արդյունքում կունենանք  8.1 %  տնտեսական աճ ` 1  %   դեֆլյատորի   պայմաններում: Կառավարության կողմից վարվող տնտեսական քաղաքականությունը և նախորդ տարիների  ու  2019 թվականի առաջին կիսամյակի զարգացումները հիմք են հանդիսացել առաջիկայում տնտեսական աճի տեմպի կանխատեսման համար: Միջնաժամկետ հատվածի համար ծրագրավորվել է համախառն ներքին արդյունքի 8   %  տարեկան իրական աճ, որի արդյունքում կանխատեսումային  ՀՆԱ-ն համապատասխանաբար կկազմի 2020 թվականին` 373.2 մլրդ, 2021 թվականին` 411.1  մլրդ  և  2022 թ-ին` 454.9 մլրդ դրամ: Նյութական արտադրության հիմնական ոլորտներում միջնաժամկետ հատվածում մեր կանխատեսումներով  կունենանք  հետևյալ ցուցանիշները. արդյունաբերական արտադրանքի ծավալի  8.5-9  %   իրական աճ, շինարարության ծավալի 6.5 - 7 % աճ, և գյուղատնտեսության արտադրանքի ծավալի  10.5-11 % աճ»,-ավելացրել  է  Ա. Հարությունյանը:
Ըստ   նախարարի՝   ԱՀ  պետական բյուջեների  2020-2022 թվականների սեփական եկամուտները կանխատեսվել են հետևյալ չափերով` 2020 թվականի  համար 52 մլրդ   680 մլն դրամ, 2021-ին՝  58 մլրդ 700 մլն և 2022-ին  համար 65 մլրդ 700 մլն:  2019 թվականի նկատմամբ 2020 թվականի սեփական եկամուտները կնվազեն 9.9 %-ով, կամ շուրջ 5 մլրդ  դրամով, իսկ 2021 և 2022 թվականներին կաճեն համապատասխանաբար 11.4  և 11.9 %-ով:
 
«2019  թվականի   համեմատ 2020 թ-ի  սեփական եկամուտների պակաս պլանավորումը պայմանավորված է «Բեյզ Մեթըլս» ՓԲԸ կողմից վճարվելիք հարկերի նվազմամբ, որի հիմնական պատճառներ են հանդիսանում ընկերության կողմից առաջիկայում նախատեսվող ներդրումների իրականացումը, ինչպես նաև պղնձի միջազգային գների և հանքաքարում պղնձի պարունակության նվազման միտումները»,-նշել  է   Ա. Հարությունյանը:
 
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -35-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Արցախը երբևիցե ՀՀ մարզ չի լինելու. Վիտալի Բալասանյան

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Արմեն Սարգսյանը ցավակցական հեռագիր է հղել ՌԴ նախագահ Վլադիմիր Պուտինին

Կայացել է «Վաղվա Արցախ» կուսակցության հիմնադիր համագումարը

Բախումներ Բաքվում. հարյուրից ավելի ձերբակալվածներ և վիրավորներ

Search